सचिन गाड| मुंबई, ता. ४ जून २०२४
संपूर्ण राज्याचे लक्ष लागून राहिलेल्या मुंबई उत्तर मध्य लोकसभा निवडणुकीचा अंतिम निकाल समोर आला आहे. मुंबई उत्तर मध्य लोकसभेतून काँग्रेसच्या वर्षा गायकवाड विजयी झाल्यात. वर्षा गायकवाड यांनी भारतीय जनता पक्षाचे उमेदवार वकिल उज्वल निकम यांचा पराभव करत दिल्लीचे तिकीट मिळवली आहे.
मुंबई उत्तर मध्य लोकसभा मतदार संघाकडे संपूर्ण राज्याचे लक्ष लागले होते. याठिकाणी महाविकास आघाडीकडून काँग्रेसच्या नेत्या वर्षा गायकवाड यांच्याविरुद्ध भारतीय जनता पक्षाने वकील उज्वल निकम यांना तिकीट दिले होते. मुंबईमध्ये उज्वल निकम यांना मानणारा मोठा उच्चशिक्षित मतदार जास्त असल्याने तसेच या मतदारसंघांवर भाजपचा प्रभाव असल्याने वर्षा गायकवाड यांच्यासमोर मोठे आव्हान होते.
आजच्या मतमोजणीतही उज्वल निकम यांनी मोठी आघाडी घेतली होती. मात्र अगदी अखेरच्या काही फेऱ्यांमध्ये वर्षा गायकवाड यांनी जोरदार मुसंडी मारत दणदणीत विजय मिळवला. या विजयासोबत अनेक वर्षांनी काँग्रेसने मुंबईमध्ये लोकसभेची जागा मिळवली आहे.
दरम्यान, राज्यात अनेक ठिकाणी महाविकास आघाडीने घवघवीत यश संपादन केले आहे. लोकसभा निवडणुकीत मिळालेले हे यश मविआसाठी नवसंजीवनी असून सत्तेतील महायुतीला मोठा धक्का मानला जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.