संजय राऊत यांनी नवनीत राणा यांच्यावर आक्षेपार्ह टिप्पणी केली होती. त्यावरून आज देवेंद्र फडणवीस यांनी उद्धव ठाकरेंवर निषाणा साधला. ठाकरे सरकारच्या काळात नवनीत राणा यांनी हनुमान चालिसा म्हटली म्हणून १२ दिवस जेलमध्ये राहिल्या. शिवसेना आणि कॉंग्रेसचे नेते अमरावतीत येवून नवनीत राणांविषयी आक्षेपार्ह विधानं करत आहेत. त्यांना अमरावतीच्या महिलाच जागा दाखवून देतील, असा टोला देवेंद्र पडणवीस यांनी शिवसेनेला लगावला आहे.

पंतप्रधान नरेंद्र मोदींची आज रामदास तडस आणि नवनीत राणांच्या प्रचारात वर्ध्यात सभा घेतली. वर्ध्यातल्या सभेत उपमुख्यमंत्री देवेंद्र फडणवीस यांनी भाषण करताना काँग्रेसची इतकी केविलवाणी अवस्था कधी पाहिली नव्हती असं म्हटलं आहे.

महात्मा गांधींनी सांगितलं होतं देशाला स्वातंत्र्य मिळालं आहे काँग्रेस पक्ष विसर्जित केला. काँग्रेसवाल्यांनी ऐकलं नाही. मात्र वर्धेकरांनी ऐकलं आणि काँग्रेस संपवायला सुरुवात केली. तरीही काँग्रेस वर्ध्यात शिल्लक होती. मात्र शरद पवारांनी वर्ध्यातून काँग्रेस पक्ष विसर्जित केला. वर्धा हे काँग्रेसमुक्त झालं आहे. काँग्रेसची इतकी केविलवाणी अवस्था यापूर्वी कधीही पाहिली नव्हती असा टोला फडणवीस यांनी लगावला.

मला विश्वास आहे की जनतेच्या आशीर्वादाने रामदास तडस हॅटट्रीक नक्की करतील. अमरावतीत नवनीत राणा उद्धव ठाकरेंच्या काळात हनुमान चालीसा म्हटली म्हणून १२ दिवस जेलमध्ये राहिल्या. त्यांच्याबद्दल अजूनही शिवसेनेचे नेते, काँग्रेसचे नेते येऊन आक्षेपार्ह उद्गार काढत आहेत मी आता ठामपणे सांगतो आमच्या महिलाच यांना उत्तर देतील. असंही देवेंद्र फडणवीस यांनी म्हटलं आहे.