Eknath Shinde shiv sena in Trouble In Thane : नवी मुंबईतील भाजप कार्यकर्त्यांनी नरेश म्हस्केंच्या उमेदवारीला जोरदार विरोध केलाय.. ठाणे लोकसभेची उमेदवारी माजी खासदार संजीव नाईकांना न मिळाल्यामुळे शेकडो भाजप कार्यकर्त्यांनी राजीनामे देत निषेध दर्शवला.. मिरा भाईंदरमध्येही भाजप कार्यकर्त्यांचं राजीनामा सत्र पाहायला मिळालं. दरम्यान नाईक गटाने बंडाचं हत्यार उपसल्यामुळे ठाण्याचं किल्ला राखणं शिंदे गटासाठी जड जाण्याची शक्यता आहे. पाहुयात हा रिपोर्ट

मुख्यमंत्री शिंदेंनी महायुतीत ठाण्याची जागा खेचून आणत आपले विश्वासू नरेश म्हस्के यांना उमेदवारी दिली. मात्र ठाण्याची जागा राखणं आता शिंदे गटासाठी जड जाण्याची शक्यता दिसतेय. संजीव नाईकांना उमेदवारी का दिली नाही? असा सवाल करत शेकडो भाजप पदाधिकाऱ्यांनी राजीनामा दिलाय.

गणेश नाईकांच्या भेटीसाठी आलेल्या नरेश म्हस्केंनाही कार्यकर्त्यांच्या रोषाला सामोरं जावं लागलं. कार्यकर्त्यांचा आक्रोश बघून नरेश म्हस्केंनी काढता पाय घेतला.

म्हस्केंच्या उमेदवारीवरून नाराजी

1996 पासून ठाणे लोकसभा मतदारसंघ शिवसेनेचा बालेकिल्ला आहे..

-2014 आणि 2019 असे सलग दोन टर्म राजन विचारे ठाण्याचे खासदार आहेत.

फक्त 2009 साली संजीव नाईक यांनी राष्ट्रवादीच्या तिकीटावर ठाणे लोकसभेतून विजय मिळवला होता.

म्हणूनच नाईक समर्थकांना संजीव नाईक यांना उमेदवारी मिळेल अशी अपेक्षा होती.

मात्र नरेश म्हस्केंच्या नावावर शिक्कमोर्तब झाल्यामुळे नाईट गटात नाराजी पसरली.. दरम्यान भाजप प्रदेशाध्यक्ष चंद्रशेखर बावनकुळे आणि भाजप नेते संदीप नाईक यांनी कार्यकर्त्यांची समजूत काढण्याचं आश्वासन दिलंय.

ठाण्याची लढत ही एकनाथ शिंदेंसाठी अस्तित्वाची लढाई ठरणार आहे.. शिवसेना विरुद्ध शिवसेनेच्या लढाईमध्ये कोणत्याही परिस्थितीत त्यांना ठाण्याचा किल्ला राखायचाय.. त्यामुळे भाजप नेते आणि कार्यकर्ते एकदिलाने नरेश म्हस्केंच्या पाठिशी उभे राहणार का हे पाहणं महत्त्वाचं ठरेल..