Supriya Sule News Saam TV
लोकसभा २०२४

Supriya Sule News: 'कोणाला काय मिळालं हिशोब करा, सगळं स्पष्ट होईल', सुप्रिया सुळेंचा अजित पवारांवर पलटवार

Supriya Sule: संविधानाच्या चौकटीत राहून काम केलं आहे. अशी संपवायची भाषा खूप धक्कादायक आणि दुर्दैवी होतं. लोकशाहीत असं चालत नाही," असे सुप्रिया सुळे यावेळी म्हणाल्या.

रोहिदास गाडगे

पुणे|ता. ९ मे २०२४

चंद्रकांत पाटील यांनी शरद पवार यांच्याबाबत केलेल्या वक्तव्याचा फटका बसला, अशी चर्चा आता महायुतीमधील नेत्यांमध्ये सुरू झाली आहे. राष्ट्रवादीचे नेते अजित पवार यांनीही याबाबत जाहीरपणे नाराजी व्यक्त केली होती. या चर्चांवर आता महाविकास आघाडीच्या उमेदवार सुप्रिया सुळे यांनी पहिल्यांदाच प्रतिक्रिया दिली असून लोकशाहीत संपवण्याची भाषा दुर्दैवी असल्याचे त्यांनी म्हटले आहे.

काय म्हणाल्या सुप्रिया सुळे?

"चंद्रकांत पाटील यांनी हे वक्तव्य दीड महिन्यांपूर्वी केलं होतं. आम्हाला वेदना देणारे हे वक्तव्य आहे. शरद पवारांना संपवायचं आहे, हे शब्द चंद्रकांत दादांचे होते. ते असं का बोलले होते? हे आम्हाला समजलं नव्हतं. मात्र गेली महिनाभर यावर कोणी बोललं नाही. ही प्रवृत्ती वाईट आहे. आम्ही संविधानाच्या चौकटीत राहून काम केलं आहे. अशी संपवायची भाषा खूप धक्कादायक आणि दुर्दैवी होतं. लोकशाहीत असं चालत नाही," असे सुप्रिया सुळे यावेळी म्हणाल्या.

अजित पवारांचा दावा खोडला..

"शरद पवार यांचा मुलगा असतो तर मलाही सत्ता मिळाली असती असे विधान अजित पवार यांनी केले आहे. यावरही सुप्रिया सुळे यांनी उत्तर दिले आहे."मला त्यांचा स्वभाव माहीत आहे. तुम्हीच तुलना करा ना? कोणाला काय मिळालं याचा हिशोब करा. मला काय मिळालं आणि दादांना काय काय मिळालं. सगळं तुमच्या समोर आहे. सगळे स्पष्ट होईल. खूप सोप्प उत्तर आहे," असे प्रत्यूत्तर सुप्रिया सुळेंनी दिले.

काय म्हणाले होते अजित पवार?

"आम्ही आता ६० च्या पुढे गेलो. आम्हाला कधीतरी संधी आहे की नाही? मी शरद पवार यांचा मुलगा असतो तर मलाही संधी मिळाली असती ना. हा कोणता न्याय? असे म्हणत अजित पवार यांनी शरद पवार यांच्याकडून डावलले गेल्याचा खंत व्यक्त केली होती. तसेच भाजपसोबत जाण्यासाठी ६ बैठका पवारांनी घेतल्या होत्या, असा दावाही अजित पवार यांनी केला होता.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

No Onion Recipes: ना बटाटा–ना कांदा! तरीही चव अफलातून; करून पाहा या सोप्या आणि चटपटीत भाज्यांची रेसिपी

Ladki Bahin Yojana: राज्यात लाडक्या बहिणींना १ लाखाचं अनुदान अन् वीजबिल माफी, सरकारची मोठी घोषणा| VIDEO

Maharashtra Live News Update: एकनाथ शिंदे यांची तेल्हारा तालुक्यातील हिवरखेड येथील जाहीर सभा रद्द

Vastu Tips: या पर्सनल गोष्टी इतरांसोबत कधीही शेअर करू नका, अन्यथा...

Eyebrows Shape: आयब्रो करायला पार्लरमध्ये जायची काय गरज? परफेक्ट आकाराच्या भुवयांसाठी करा 'हा' सोपा घरगुती उपाय

SCROLL FOR NEXT