लोकसभा निवडणुकीच्या मतमोजणीला सुरुवात झाली असून प्रारंभिक कल समोर येण्यास सुरुवात झाली आहे. यामध्ये पहिल्या तासातच एनडीएने मोठी आघाडी घेतल्याचं दिसत आहे. तर इंडिया आघाडीच्या जागांमध्येही वाढ होताना दिसत आहे.

सुरुवातीला हाती आलेय कलनुसार, एनडीए 138 जागांवर आघाडीवर आहे. तर इंडिया आघाडी 83 जागांवर आघाडीवर दिसत आहे. मात्र हे प्रारंभिक कल असून हे प्रत्येक तासात बदलू शकतात, संपूर्ण चित्र स्पष्ट होण्यासाठी काही तासांचा वेळ लागू शकतो.

उत्तर प्रदेशात कोण आगाडीवर?

उत्तर प्रदेशात देशातील सर्वाधिक 80 लोकसभेच्या जागा आहे. यामध्ये भाजप 38, काँग्रेस 5 , समाजवादी पक्ष 17 आणि अन्य 5 जागांवर आघाडीवर आहे.

राज्यात महायुती आणि मविआमध्ये काटे की टक्कर

राज्याच्या प्रारंभिक कलबद्दल बोलायचं झालं तर, महायुती 24 तर महाविकास आघाडी 22 जागांवर आघाडीवर आहे, यामध्ये भाजप 21, ठाकरे गट 14, काँग्रेस, 5, शिंदे गट 2, शरद पवार गट 3 आणि अजित पवार गट 1 जागेवर आघाडीवर आहे.

दोन्ही जागांवर राहुल गांधी पुढे

काँग्रेस नेते राहुल गांधी केरळमधील वायनाड आणि उत्तर प्रदेशातील रायबरेली मतदारसंघातून आघाडीवर आहेत.

मंडी मतदारसंघातून कंगना रणौत 2000 मतांनी आघाडीवर

सुरुवातीच्या कलमध्ये, हिमाचल प्रदेशच्या मंडी मतदारसंघातून अभिनेत्री कंगना रणौत 2000 मतांनी आघाडीवर आहे. कंगनाची स्पर्धा काँग्रेसच्या विक्रमादित्य सिंग यांच्याशी आहे.