Amit Shah on Article 370

पंतप्रधान नरेंद्र मोदी यांनी देशात समान नागरी कायदा लागू करण्याची गॅरंटी दिली आहे. दुसरीकडे काँग्रेस पक्षाच्या निवडणूक जाहीरनाम्यात धार्मिक वैयक्तिक कायदा कायम ठेवण्याचे आश्वासन दिलं जात आहे. मात्र, काहीही झालं, तरी देशात समान नागरी कायदा लागू करणारच, असं केंद्रीय गृहमंत्री अमित शहा यांनी म्हटलं आहे. ते गुना येथील जाहीर सभेत बोलत होते.

मध्यप्रदेशातील गुना लोकसभा मतदारसंघात ज्योतिरादित्य शिंदे सिंधिया यांच्या समर्थनार्थ अमित शहा यांनी शुक्रवारी (ता. २६) जाहीर सभा घेतली. या सभेतून त्यांनी राहुल गांधींसह (Rahul Gandhi) इंडिया आघाडीला चांगलेच खडेबोल सुनावले.

"काँग्रेसच्या मतानुसार, देशाच्या साधनसंपत्तीवर मुस्लिमांचा पहिला हक्क आहे. मात्र भाजपासाठी गरीब, दलित, इतर मागासवर्गीय आणि आदिवासींचा पहिला अधिकार आहे", असं अमित शहा (Amit Shah) म्हणाले.

"काँग्रेसचा जाहीरनामा काळजीपूर्वक वाचा. त्यात त्यांनी म्हटलंय की, ते शरीयत कायदा पुन्हा आणणार आहेत. त्यांना तिहेरी तलाक परत आणायचा आहे. हा देश इस्लामी कायद्याने चालवता येईल का?" असा संतप्त सवाल देखील अमित शहा यांनी उपस्थितांना केला.

"काँग्रेसचा जाहीरनामा काळजीपूर्वक वाचा. त्यात त्यांनी म्हटलंय की, ते शरीयत कायदा पुन्हा आणणार आहेत. त्यांना तिहेरी तलाक परत आणायचा आहे. हा देश इस्लामी कायद्याने चालवता येईल का?" असा संतप्त सवाल देखील अमित शहा यांनी उपस्थितांना केला.