निवडणूक आयोगाची काँग्रेस प्रवक्ते सचिन सावंत यांना नोटीस पाठवलीय. मुख्यमंत्री एकनाथ शिंदे यांनी वर्षा बंगल्यावर निवडणुकासंदर्भात बैठका घेत आहेतय. यामुळे आचार संहितेचे उल्लंघन झाल्याची तक्रार सावंत यांनी केली होती. निवडणूक आयोगाने सचिन सावंत यांच्या तक्रारीची गंभीर दखल घेतली होती.

याप्रकरणात निवडणूक आयोगाने सचिन सावंत यांना नोटीस बजावलीय. सावंत यांना २२ तारखेला ३ वाजता निवडणूक आयोगाच्या कार्यालयात उपस्थित राहण्याचे निर्देश दिलेत. महाराष्ट्रासह देशात लोकसभा निवडणूकीची आचारसंहिता लागू करण्यात आलीय. त्याच दरम्यान मुख्यमंत्र्यांच्या वर्षा या शासकीय निवासस्थानावर सतत राजकीय बैठका होत आहेत. या बैठका तात्काळ थांबायला हव्या. हा आचारसंहितेचा खुलेआम भंग असल्याचं सचिन सावंत म्हणाले होते. निवडणूक आयोगाने याकडे लक्ष द्यावे अशी मागणी त्यांनी केली होती.

सावंत यांच्या या तक्रारीची दखल घेत अखेर त्या अधिकाऱ्यांना कारणे दाखवा नोटीस बजावणार असल्याची माहिती निवडणूक आयोगाचे मुख्याधिकारी एस चोकलिंग्मग यांनी दिली होती. आता निवडणूक आयोगानेच सचिन सावंत यांना नोटीस बजावलीय.