- रणजीत माजगावकर

Kolhapur News :

राजकीय जोडण्या करण्यात मी कमी पडलो असे म्हणत गोकुळचे संचालक चेतन नरके यांनी लोकसभा निवडणुकीतून माघार घेतल्याचे जाहीर केले. निवडणुकीत माघारीचा निर्णय जाहीर करताना चेतन नरके भावूक झाले हाेते. दरम्यान मी अद्याप कोणाला ही पाठींबा दिलेला नाही असे त्यांनी स्पष्ट केले आहे. (Maharashtra Lok Sabha Election News in Marathi)

गोकुळचे संचालक चेतन नरके यांनी काही दिवसांपूर्वी अपक्ष उमेदवार म्हणून कोल्हापूर लोकसभा निवडणूक लढणार असल्याची घोषणा केली होती. दरम्यान आज त्यांनी पत्रकार परिषद घेत कोल्हापूर लोकसभा निवडणुकीमधून माघार घेतल्याचे सांगितलं.

चेतन नरके हे महाविकास आघाडीकडून निवडणूक लढविण्यासाठी इच्छुक हाेते. मात्र महाविकास आघडीने शाहू छत्रपती महाराज यांना उमेदवारी दिली. त्यामुळे चेतन नरके यांनी अपक्ष लढावे असे त्यांच्या समर्थकांची इच्छा हाेती पण आयत्या वेळी चेतन नरके यांनी माघार घेतली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नरके म्हणाले मी राजकीय जोडण्या करण्यात कमी पडलो. मी अद्याप कोणाला ही पाठींबा दिलेला नाही. आगामी काळात जनतेची जितकी सेवा करता येईल तितकी करेन असेही त्यांनी नमूद केले.

Edited By : Siddharth Latkar