Bahujan Samaj Party News:

बहुजन समाज पार्टीच्या वतीने ठाणे, भिवंडी कल्याण पालघर समवेत कोकण विभागातील सर्वच्या सर्व 12 लोकसभेच्या जागा लढावणार असल्याची माहिती बहुजन समाज पार्टीचे प्रदेश सचिव आणि मुंबई झोन प्रभारी डॉ. प्रशांत इंगळे यांनी साम टीव्हीशी बाेलताना दिली. येत्या काही दिवसांत बसपा लोकसभा उमेदवारची यादी जाहीर करेल असेही डॉ. इंगळे यांनी नमूद केले. (Maharashtra Lok Sabha Election News in Marathi)

लाेकसभा निवडणुकीच्या अनुषंगाने उल्हासनगर येथे कोकणातील पक्षाच्या पदाधिकाऱ्यांची बैठक झाली. बहुजन समाज पार्टीचे प्रदेश सचिव आणि मुंबई झोनचे प्रभारी डॉ. प्रशांत इंगळे यांनी बैठकीत विविध विषयांवर कार्यकर्ते, पदाधिकारी यांना मार्गदर्शन केेले. सत्ताधाऱ्यांच्या भ्रष्ट कारभारा विरोधात बसपा पूर्ण तयारीने लोकसभेच्या निवडणुकीत उतरणार आहें असे त्यांनी नमूद केले.

कल्याण लोकसभा मतदार संघात विकासाची कोणती ही कामे झालेले नाहीत. विकासकामांच्या नावाखाली प्रचंड भ्रष्टाचार झाला असल्याचा आरोप डॉ. प्रशांत इंगळे यांनी केला. बहुजन समाज पार्टी ठाणे, भिवंडी कल्याण पालघर समवेत कोकण विभागातील सर्वच्या सर्व 12 लोकसभेच्या जागा लढावणार असल्याचे इंगळे यांनी स्पष्ट केले. येत्या काही दिवसात बसपा लोकसभा उमेदवारची यादी जाहीर करणार असल्याचे डॉ. प्रशांत इंगळे यांनी नमूद केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar