Sangli Constituency :

आता सगळे जण जात आणि धर्म सांगायला लागेल आहेत. कोणी हिंदू खतरे मे है तर कोणी मुस्लिम खतरे मे है म्हणत आहे पण शेतकरी आणि मजदूर हा खतरे मै आहे असे मत प्रहार संघटनेचे आमदार बच्चू कडू (bacchu kadu) यांनी व्यक्त केले. तसेच देशात पक्षाचा राजकीय आतंकवाद वाढत चालला आहे अशी टीका काँग्रेस आणि भाजपावर बच्चू कडू यांनी केली आहे. (Maharashtra News)

बच्चू कडू हे कोल्हापूरच्या हातकणंगले लोकसभा मतदारसंघातील (hatkanangale constituency) स्वाभिमानी शेतकरी संघटनेचे उमेदवार राजू शेट्टी (raju shetti) यांच्या प्रचार निमित्ताने सांगलीच्या शिराळा येथे आयोजिलेल्या सभेत बोलत होते. या सभेत बच्चू कडू यांनी शेट्टींचा शेतक-यांसाठीचा लढा हा अविरत असल्याचे विविध उदाहरण देत नमूद केले.

दरम्यान महायुतीमध्ये बच्चू कडू हे घटक पक्ष म्हणून सामील आहेत मात्र तरी देखील बच्चू कडूंनी थेट हातकणंगले मतदारसंघात येऊन महायुतीच्या उमेदवारा विरोधात लढणा-या राजू शेट्टींना जाहीर पाठिंबा दिली. यामुळे राजकीय वर्तुळात त्याची चर्चा रंगली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

शेट्टींच्या प्रचारासाठी आलेल्या कडू यांनी जाहीर सभेत भाजप आणि काँग्रेसवर निशाणा साधला. जात आणि धर्म समोर आणल्याशिवाय तुम्हांला निवडणुका जिंकता येत नाहीये इतके तुम्ही पांडू आहात असेही कडू यांनी नमूद केले.

Edited By : Siddharth Latkar