World Cotton Day :

कापसाचे उत्पादन केवळ भारतातच नाही तर जगभरात मोठ्या प्रमाणावर होते. हा उद्योग लोकांसाठी रोजगाराचाही मोठा स्रोत आहे. कपड्यांव्यतिरिक्त इतर अनेक गोष्टींमध्ये कापूस वापरला जातो.

सुती कपडे (Coths) आरामदायक आणि टिकाऊ असतात. आज 7 ऑक्टोबर हा दिवस जगभरात कापूस दिवस म्हणून साजरा केला जातो. या खास प्रसंगी, या दिवसाच्या सेलिब्रेशनची सुरुवात कशी झाली आणि या वर्षाची थीम काय आहे हे जाणून घेऊया.

इतिहास

07 ऑक्टोबर 2019 रोजी प्रथमच कापूस (Cotton) दिवस साजरा करण्यात आला. ज्याची सुरुवात बेनिन, बुर्किना फासो, चाड आणि माली या चार देशांनी संयुक्तपणे केली होती. त्यांनी 2019 मध्ये संयुक्त राष्ट्रांच्या आमसभेत जागतिक कापूस दिवस स्थापन करण्याचा अधिकृत प्रस्ताव मांडला होता. तेव्हापासून हा दिवस दरवर्षी साजरा केला जाऊ लागला.

थीम

जागतिक कापूस दिवस दरवर्षी नवीन थीमसह साजरा (Celebrate) केला जातो. यावर्षीही त्याची थीम ठेवण्यात आली आहे, 'Making cotton fair and sustainable for all, from farm to fashion' अर्थात 'शेतीपासून फॅशनपर्यंत सर्वांसाठी कापूस योग्य आणि टिकाऊ बनवणे.'

उद्देश

जागतिक कापूस दिनानिमित्त अनेक प्रकारचे कार्यक्रम आणि जनजागृती मोहीम राबवली जाते. ज्याचा उद्देश कापूस उत्पादन वाढवण्यासाठी आणि प्रोत्साहन देण्यासाठी आवश्यक ते सर्व बदल करणे, त्याच्या उत्पादनासाठी आवश्यक तंत्रज्ञानासाठी सुविधा उपलब्ध करून देणे आणि कापूस व्यवसायात गुंतलेल्या कामगारांची स्थिती सुधारण्यासाठी कार्य करणे हा आहे. त्यांना रोजगारही उपलब्ध करून देतो.

महत्त्व

लोकांमध्ये एवढी लोकप्रियता असूनही कापूस व्यवसायाला जेवढे महत्त्व आणि सुविधा द्यायला हव्यात तेवढे मिळत नाही. कापूस उद्योग केवळ कपडेच बनवत नाही तर तो अनेक लोकांसाठी रोजगाराचा स्रोत आहे.