गॅसचा त्रास अनेकांना असह्य होतो. गॅसमुळे व्यक्तीला शरीरात विविध ठिकाणी वेदना होतात. परंतु गॅस नेमका कोणत्या कारणामुळे होतोय हे आपल्याला समजू शकत नाही. अनेकांना नसांमधील गॅसमुळे होणाऱ्या वेदनांचं कारण समजत नाही. वायूमुळे होणाऱ्या मज्जातंतूंच्या वेदनांची कारणं जाणून घेणं खूप महत्वाचं आहे. नसांमध्ये गॅस तयार होण्याच्या कारणांबद्दल या आर्टिकलमधून जाणून घेऊया.

पचनतंत्रामध्ये बिघाड होणं

नसांमध्ये गॅस तयार होण्यामागे पचनसंस्थेतील समस्या असू शकतात. पचनक्रियेत अडथळा आल्यामुळे अन्न योग्य पद्धतीने पचत नाही. ज्यामुळे आतड्यांमध्ये गॅस तयार होऊ लागतो. या वायूमुळे नसाजवळ दाब निर्माण होतो ज्यामुळे शरीराच्या वेगवेगळ्या भागात वेदना होऊ शकतात.

चुकीचा आहार

तळलेलं अन्न, फास्ट फूड, कोल्ड्रिंक्स खाणं किंवा उशिरा जेवणं हे पोटात गॅस तयार होण्याचं एक प्रमुख कारण आहे . यामुळे पचनक्रियेवर परिणाम होतो. अशावेळी वायू नसांमध्ये अडकू शकतो.

शारीरिक एक्टिव्हीटी कमी होणं

शरीराची हालचाल कमी झाल्यामुळेही नसांमध्ये गॅस निर्माण होऊ शकतो. कमी प्रमाणातील एक्टिव्हीटीमुळे पचन मंदावते ज्यामुळे वायू तयार होतो आणि नसांमध्ये दाब येतो. यामुळे गॅसचा त्रास होऊ शकतो.

ताणतणाव

मानसिक ताणाचा थेट परिणाम तुमच्या पोटावर आणि पचनसंस्थेवर होत असतो. यामुळे जास्त गॅस तयार होण्याची भीती असते. अशावेळी तुम्हाला नसांमध्ये जडपणा आणि वेदना जाणवू शकतात.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत