काहींच्या कानात अचानक शिट्टीचा आवाज येत असतो. तुम्हाला ही समस्या सामान्य कारणामुळे झाल्यासारखी वाटत असले. पण तुमचे हे मत चुकीचे आहे. कानात अचानक वाजणारा, शिट्टीसारखा किंवा भिनभिनणारा आवाज ऐकू आला तर त्याकडे दुर्लक्ष करणं धोकादायक ठरू शकतं.

या समस्येला वैद्यकीय भाषेत 'टिनिटस' असे म्हटले जाते. या आजारात असा आवाज ऐकू येतो जो दुसऱ्या कोणालाही ऐकू येत नाही. अनेकजण या समस्येला हलक्यात घेतात, मात्र हाच निष्काळजीपणा गंभीर आजारांना आमंत्रण देतो. यावर वेळेत उपचार न केल्यास रुग्ण चक्क बहिरा होऊ शकतो. तसेच मानसिक आरोग्यावरही त्याचा परिणाम होतो.

डॉक्टरांच्या मते, कानाच्या नसांमध्ये समस्या निर्माण झाल्यास टिनिटस होऊ शकतो. तसेच कानात अडथळा येणे, श्रवणशक्ती अचानक कमी होणे, संसर्ग, सायनस, हार्मोनल बदल, थायरॉईड आणि मेंदूतील ट्यूमर या कारणांमुळेही ही समस्यांना सामोरे जावे लागू शकते. काही प्रकरणांमध्ये हृदयरोग आणि रक्ताभिसरणातील अडचणीसुद्धा टिनिटससाठी कारणीभूत ठरु शकतात.

या आजाराकडे दुर्लक्ष केल्याने भविष्यात आणखी संकटांना सामोरे जावे लागू शकते. टिनिटस सारखा वाढत राहिला तर तुमची ऐकण्याची शक्ती संपू शकते. काही प्रकरणांमध्ये चेहऱ्याच्या पक्षाघाताला सामोरे जावे लागू शकते. ही समस्या सध्या मोठ्या प्रमाणात वाढत चालली आहे. त्यामुळे एखादा व्यक्ती नैराश्येच्या जाळ्यात अडकत जातो. त्यातून बाहेर निघणे हे अत्यंत कठीण होऊन बसते.