हिंदू धर्मात दरवर्षी भाद्रपद महिन्याच्या शुक्ल पक्षातील चतुर्थीला गणेश चतुर्थी साजरी केली जाते. हा सण अत्यंत उत्साह आणि श्रद्धेने साजरा केला जातो. या दिवशीपासून दहा दिवस चालणाऱ्या गणेशोत्सवाची सुरुवात होते.

भक्त घरामध्ये किंवा सार्वजनिक ठिकाणी गणपती बाप्पांची मूर्ती स्थापित करून त्यांचा मोठ्या जल्लोषात ढोल-ताशा, नगाऱ्यांसह स्वागत करतात. या दहा दिवसांत दररोज गणपतीची पूजा केली जाते आणि अनंत चतुर्दशीला गणपतीचे विसर्जन केलं जातं.

गणेश चतुर्थी कधी आहे?

या वर्षी गणेश चतुर्थी बुधवार, २७ ऑगस्ट २०२५ रोजी आहे. तर गणेश विसर्जन शनिवार ६ सप्टेंबर २०२५ रोजी होणार आहे.

गणेश स्थापना मुहूर्त

सकाळी सूर्योदयापासून दुपारी अपराण्ह काळापर्यंत म्हणजे साधारण दीड वाजेपर्यंत आपले मन आनंदित ठेवून भक्ती भावाने गणेशाची पूजा करायला हरकत नाही. यासाठी कोणताही भद्रा काळ व इतर गोष्टींचा विचार करण्याची आवश्यकता नाही.

पूजा मुहूर्त

• मध्याह्न गणेश पूजा मुहूर्त : सकाळी ११:०५ ते दुपारी १:४०

• एकूण कालावधी : २ तास ३४ मिनिटे

चंद्रदर्शन निषिद्ध वेळ

• गणेश चतुर्थीच्या आधीच्या दिवशी म्हणजेच २६ ऑगस्ट रोजी दुपारी १:५४ ते संध्याकाळी ८:२९ – कालावधी ६ तास ३४ मिनिटे

• गणेश चतुर्थीच्या दिवशी म्हणजेच २७ ऑगस्ट रोजी सकाळी ९:२८ ते संध्याकाळी ८:५७ – कालावधी ११ तास २९ मिनिटे

गणेश स्थापना विधी

गणेश चतुर्थीच्या दिवशी सकाळी स्नान करून स्वच्छ कपडे परिधान करा आणि घरातील मंदिर चांगले साफसफाई करून घ्या. एका पाटावर लाल किंवा पिवळा वस्त्र अंथरून त्यावर गणपती बाप्पांची मूर्ती पूर्वाभिमुख करून स्थापित करा. मूर्तीसमोर गंगाजल, दूर्वा, हळद, चंदन, गुलाब, सिंदूर, मौली, जनेऊ, फळे, फुले, अक्षत, माळा आणि मोदक अर्पण करा.

पूजेनंतर गणेशजींच्या आरतीसोबत पार्वती माता, भगवान शंकर आणि इतर देव-देवतांचीही आरती करा. बाप्पांना मोदकाचा नैवेद्य दाखवून विधिवत आरती करा.

गणेश चतुर्थी पूजेसाठी लागणारी सामग्री

गणपतीची मूर्ती, कुमकुम, दूर्वा, अक्षत, लाल वस्त्र, मौली, रोली, लवंग, वेलची, सुपारी, पान, पंचमेवा, सिंदूर, जनेऊ जोडी, गाईचे तूप, साखर, फळे, गंगाजल, फुलांची माळ, गुलाबजल, इत्र, धूपबत्ती, नाणे, नारळ, मध, दही, गुलाल, अष्टगंध, हळद, गाईचे दूध, मोदक, गूळ, कलश, दिवा-धूप यांसह सर्व साहित्य जवळ ठेवा.

गणेशोत्सवात लक्षात ठेवण्याच्या गोष्टी

• गणेश स्थापनेपूर्वी मूर्तीला लाल किंवा पिवळ्या वस्त्राने झाकून ठेवा.

• मूर्तीची स्थापना झाल्यानंतरच हे वस्त्र काढा.

• मूर्तीची स्थापना झाल्यानंतर सात्त्विक भोजनाचे सेवन करा.

• दहा दिवसांच्या उत्सवात मांसाहार आणि मद्यपान टाळावे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)