iPhone Update :

Apple ने नुकताच नव्या लॉन्चिंगमध्ये iPhoneमध्ये नवी फीचर्स लॉन्च केले आहेत. त्यात वापरकर्त्यांच्या सुरक्षेसाठी सेफ्टी अलर्ट जारी केला आहे. हे टूल स्मार्टफोन हॅकिंगपासून वाचवण्यात मदत करेल.

वापरकर्त्यांना स्मार्टफोनचे (Smartphone) लॉकडाउन मोड चालू करण्यास सांगितले जात आहेत. वापरकर्त्यांनी त्यांचे डिव्हाइसचे नवीन सॉफ्टवेअरवर अपडेट करावे आणि पासकोड (Passcode) सेट करावा आणि टू फॅक्टर ऑथेंटिकेशन वापरावे असे सांगण्यात येत आहे.

अ‍ॅपलचे म्हणणे असे आहे की, हे टूल वापरकर्त्यांना हॅकिंगच्या (Hacking) घटनांपासून वाचवण्यास मदत करेल. या संदर्भात अ‍ॅपलने वापरकर्त्यांना नोटिफिकेशन पाठवले आहे. हॅकिंगच्या पीडितांना मदत करण्यासाठी ते अतिरिक्त पावले उचलत असल्याचे सांगितले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

काय करावे लागेल?

अ‍ॅपलच्या म्हणण्यानुसार, हॅकिंग टाळण्यासाठी वापरकर्त्यांनी प्रथम त्यांचे डिव्हाइस नवीन सॉफ्टवेअरमध्ये अपडेट केले पाहिजे.

डिव्हाइसमध्ये पासकोड सेट केला पाहिजे.याशिवाय टू-फॅक्टर ऑथेंटिकेशन वापरावे. तसेच अ‍ॅप आयडीसाठी मजबूत पासवर्ड तयार करावा.

अ‍ॅप्स केवळ अधिकृत अ‍ॅप स्टोअरमधून डाउनलोड केले जावेत.

प्रत्येक ऑनलाइन खात्यासाठी वेगळा पासवर्ड टाकावा.

कोणत्याही माहिती नसलेल्या किंवा अनोळखी लिंकवर क्लिक करू नये.

यासह, वापरकर्त्यांनी लॉकडाउन मोड सक्रिय करावा.

लॉकडाउन मोड म्हणजे काय?

अ‍ॅपलच्या नवीनतम सॉफ्टवेअर अपडेटमध्ये लॉकडाउन मोड प्रदान करण्यात आला आहे, जो वापरकर्त्यांना स्पायवेअर आणि हॅकिंगपासून संरक्षण देतो. लॉकडाउन मोड iOS 16, iPad OS16, MacOS व्हेंचर आणि नंतरसाठी आणला गेला आहे.

लॉकडाउन मोड कसा चालू करावा?

• अ‍ॅपलच्या iPhoneमध्ये सर्वात आधी सेटिंग्जमध्ये जा.

• Search Barवर Lockdown Mode सर्च करा.

• यानंतर Turn On Lockdown Modeवर क्लिक करा.

• यानंतर Turn On And Restartवर क्लिक करा.

• त्यानंतर एक कोड येईल, तेथे तुमच्या मोबाईल कोड टाका.

• तुमचा मोबाईल रिस्टार्ट होईल. आणि हा मोड चालू होईल.