आज गुरुवारचा दिवस असून हा भगवान विष्णू आणि देव गुरु बृहस्पतिला समर्पित दिवस आहे. या दिवशी भक्त विष्णूची पूजा करतात आणि उपवास देखील ठेवतात. यामुळे भगवान विष्णूंची कृपा भक्तांवर राहते असं म्हटलं जातं. ज्योतिष्य शास्त्रानुसार, जर कोणा व्यक्तीच्या आयुष्यात समस्या असतील तर गुरुवारच्या दिवशी काही उपाय केल्याने त्या समस्या दूर होतात.

गुरुवारच्या दिवशी हे उपाय केल्यामुळे व्यक्तीच्या जीवनात नोकरी, जीवन आणि घरासंबंधी असलेल्या समस्या दूर होतात असं मानलं जातं. याशिवाय लक्ष्मी नारायणाची कृपाही व्यक्तीवर राहते. गुरुवारच्या दिवशी कोणत्या गोष्टी दान केल्या पाहिजेत हे जाणून घेऊया.

चंदन आणि हळद

गुरुवारच्या दिवशी गरजू लोकांना चंदन आणि हळदीचं दान फलदाजी ठरू शकतं. जर तुमच्या जीवनात सतत समस्या येत असतील तर गुरुवारच्या दिवशी हे उपाय जरूर करा. असं केल्याने व्यक्तीच्या जीवनात आनंद येतो. त्याचप्रमाणे तुमचं आरोग्यंही चांगलं राहण्यास मदत होते.

पिवळी वस्त्र दान करा

ज्योतिष्य शास्त्रानुसार, गुरुवारी अनेक उपाय सांगण्यात आले आहे, ज्यामुळे व्यक्तीच्या समस्या दूर होण्यास मदत होते. अनेक मान्यतांनुसार, जर कोणत्या कामात सतत अडथळे येत असतील तर गुरुवारच्या दिवशी पुजारी, पंडित किंवा साधू यांना पिवळी वस्त्र दान करावीत. असं केल्याने व्यक्तीची अडकलेली कामं होऊ लागतात.

औषधं आणि धार्मिक पुस्तकं

गुरुवारच्या दिवशी गरजूंना औषधं दान करणं ही फायद्याचं मानलं जातं. असं केल्याने दररोज येणाऱ्या समस्यांपासून मुक्ती मिळू शकते. शिवाय यामुळे घरातील व्यक्तीचं आरोग्यही चांगलं राहण्यास मदत होते. यामुळे भगवान विष्णू प्रसन्न होण्यास मदत होते.

पिवळी फळं

गुरुवारच्या दिवशी गरजू व्यक्तींना पिवळ्या रंगाची फळं आणि मिठाई दान करणं शुभ मानलं जातं. असं केल्याने व्यक्तीला जर नोकरीमध्ये काही समस्या असतील तर त्या दूर होण्यास मदत हेतो. यामुळे तुमच्या जीवनात आनंदही येतो.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)