Festive Season Sale :  टीव्ही, मोबाईल फोन आणि कॉम्प्युटरसारखी इलेक्ट्रॉनिक उपकरणे स्वस्त होणार आहेत. या उपकरणांच्या किमती आणि त्यांना कारखान्यापासून दुकानापर्यंत पोहोचवण्यासाठी लागणारा वाहतूक खर्च गेल्या 2 वर्षांत विक्रमी उच्चांक गाठल्यानंतर कोविडपूर्व पातळीपर्यंत खाली आला आहे.

इनपुट कॉस्टमध्ये झालेल्या या घसरणीचा फायदा (Benefits) कंपन्या ग्राहकांना देऊ शकतात. सणासुदीच्या काळात ग्राहकांची मागणी वाढवण्यासाठी कंपन्या किमती कमी करू शकतात. गेल्या 12 महिन्यांपासून मागणी मंदावली आहे. येत्या दिवाळीच्या मोसमात कंपन्यांना मागणीत लक्षणीय वाढ पहायची आहे. उद्योग अधिकाऱ्यांनी ही माहिती दिली आहे.

सणासुदीच्या काळात नफा वाढू शकतो

इनपुट खर्चात घट झाल्यामुळे इलेक्ट्रॉनिक कंपन्यांचे ऑपरेटिंग मार्जिन वाढण्याची अपेक्षा आहे. त्याचबरोबर परदेशातही वाहतुकीचे दर घसरले आहेत. चीनमधून कंटेनरची शिपिंग $850-1000 पर्यंत खाली आली आहे. कोरोना कालावधीत ते $8000 च्या उच्च पातळीवर होते. घसरणीचे एक कारण काही देशांतील मंदी हे देखील आहे.

सणासुदीच्या काळात किमती कमी होऊ शकतात

अनेक कंपन्यांसाठी स्मार्टफोन (Smartphone) बनवणाऱ्या जैना ग्रुपचे एमडी प्रदीप जैन म्हणाले की, चिप्स आणि कॅमेरा मॉड्यूल्ससह स्मार्टफोनच्या सर्व घटकांच्या किमती घसरल्या आहेत. ते म्हणाले, 'सणांच्या हंगामात मागणी वाढवण्यासाठी कंपन्या इलेक्ट्रॉनिक उत्पादनांच्या किमतीत लक्षणीय घट करू शकतात.'

किंमती कोविडच्या आधीच्या पातळीवर आल्या

डिक्सन टेक्नॉलॉजीज इंडियाचे एमडी अतुल लाल म्हणाले, “सर्व इलेक्ट्रॉनिक उत्पादनांचे घटक आणि मालवाहतूक किमती कोविडपूर्व पातळीपर्यंत घसरल्या आहेत. काही प्रकरणांमध्ये, जागतिक मागणीत घट आणि काही देशांमध्ये मंदीमुळे किंमती देखील खाली आल्या आहेत.

सेमीकंडक्टर चिप्सची किंमत कमी झाली

सेमीकंडक्टर चिप्सच्या किमती (Price) कोविडच्या विक्रमी पातळीपासून खाली आल्या आहेत. इलेक्‍ट्रॉनिक घटकांच्या किमती 60-80 टक्‍क्‍यांनी कमी झाल्याची माहिती उद्योग अधिकाऱ्यांनी दिली आहे. तज्ज्ञांच्या मते, जागतिक स्तरावर मालवाहतुकीच्या खर्चात घट झाली आहे, तर काही देशांमध्ये मंदीमुळे थोडीशी घट झाली आहे. मालवाहतुकीचा खर्च 4 ते 5 टक्के जास्त असल्याचे उद्योगातील काही अधिकाऱ्यांचे म्हणणे असले तरी ही वाढ कमकुवत मागणीमुळे झाली आहे.