मुंबई : योग्य पद्धतीने चालण्याचा व्यायाम केल्यास आपल्या शरीराची चयापचयाची क्षमता सुरळीत सुरू राहते. नियमित जितका वेळ आपण चालतो तितक्या जलद गतीने कॅलरी घटण्यास मदत मिळते.(Benefits of walking in Marathi)

हे देखील पहा -

शरीराला फिट ठेवण्यासाठी आपण अनेक व्यायाम किंवा योगासने करतो. शरीराला फिट ठेवण्यासाठी चालणे अधिक फायदेशीर ठरू शकतो. याव्यतिरिक्त चालण्याने आपल्या शरीरातील रक्तातील शर्करादेखील नियंत्रणात राहण्यास मदत मिळते. चालल्याने ताण हलका होण्यास मदत होते. तसेच नैराश्याला सामोरे जाणाऱ्यांना अधिकाधिक चालण्याचा सल्ला दिला जातो. मनावर ताण जाणवत असल्यास किंवा टेन्शन आल्यास आपल्या क्षमतेनुसार वेगाने चाला. चालण्याने रक्तप्रवाहाची प्रक्रिया सुरळीत पार पडते. ऑक्सिजन आणि इतर पोषणमूल्यं शरीराच्या सर्व भागात पोहोचतात. चालल्याने आपल्या शरीराला कसा फायदा होतो हे जाणून घ्या.

१. मन एकाग्रतेसाठी व चिंतनासाठीही चालणे फायदेशीर ठरते. हा व्यायाम करण्यासाठी सहज व सोपा व्यायाम प्रकार आहे. कोणत्याही प्रकारच्या साहित्याशिवाय आपण हा व्यायाम सहज करु शकतो.

२. चालल्याने आपले शरीर तंदुरुस्त व चपळ ठेवण्यासाठी मदत होते. सकाळी चालण्यामुळे वातावरणातील शुध्द ऑक्सिजनचा शरीराला पुरवठा करतो. मजबुतीसाठी आवश्यक असलेले डी जीवनसत्त्व (Vitamins) सकाळच्या कोवळ्या उन्हातून मिळते.

३. चालण्यामुळे एकाच वेळी शारीरिक व मानसिक व्यायामही होतो. चालण्यामुळे तणाव (Stress) आणि चिडचिडेपणा दूर होण्यास मदत होते. त्यामुळे झोपही चांगली लागते. वजन कमी करण्याचा किंवा वजन संतुलित ठेवण्याचा चालणे हा उत्तम मार्ग ठरेल. चालण्यामुळे शरीरातील जास्तीचे उष्मांक जाळते तसेच चरबीचे प्रमाण कमी होते. दररोज एक तास चालल्यास संधिवाताचा त्रास कमी होऊ शकतो.

Edited By - Komal Damudre