तुम्हालाही सरकारी खात्यात काम करण्याची इच्छा असेल तर लवकरच तुमचे स्वप्न पूर्ण होऊ शकते. महाराष्ट्र लोकसेवा आयोगामार्फत हजारो पदांची भरती सुरु झाली आहे. अधिकृत वेबसाइटवरुन पदभरती विषयी माहिती देण्यात आली आहे.
महाराष्ट्र लोकसेवा आयोगामार्फत दुय्यम निरीक्षक, तांत्रिक सहाय्यक, कर सहाय्यक आणि लिपिक टंकलेखक पदांसाठी भरती राबवली जाणार आहे. याअंतर्गत ७ हजार ५१० जागांसाठी पदभरती सुरु झाली आहे. यासाठी उमेदवारांकडून ऑनलाइन अर्ज मागविण्यात आला आहे.
या रिक्त पदांसाठी अर्ज प्रक्रिया १७ ऑक्टोबरपासून ते ३१ ऑक्टोबरपर्यंत असणार आहे. तसेच या पदांसाठी मुख्य परीक्षा (Exam) ही १७ डिसेंबरला घेतली जाईल.
उमेदवारांना परीक्षेसाठी अमरावती, छ.संभाजीनगर, नागपूर, नाशिक, नवी मुंबई आणि पुणे केंद्र असेल.
या पदांसाठी अर्ज करणाऱ्या उमेदवाराचे वय १८ ते ३८ वर्षे असणे आवश्यक आहे. तसेच मागासवर्गीय उमेदवारांना यांमध्ये ५ वर्षांची सूट देण्यात आली आहे.
खुल्या प्रवर्गाकडून ५४४ रुपये तर मागासवर्गीय उमेदवारांकडून ३४४ रुपये शुल्क घेण्यात येणार आहे.
या पदांवर निवड झालेल्या उमेदवारांना दर महिन्याला १९ ते ६० हजांरापर्यंत पगार मिळू शकतो. यामध्ये विविध खात्यानुसार पगार ठरविला जाईल.
उमेदवार पदवीधर असावा तसेच मराठी टंकलेखन 30 श.प्र.मि. किंवा इंग्रजी टंकलेखन 40 श.प्र.मि. वेग असणे आवश्यक आहे.
अर्ज करण्यासाठी आपण MPSC च्या अधिकृत साइटला भेट देऊ शकता.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.