चांगल्या आयुष्यासाठी आणि दीर्घायुष्यासाठी प्रत्येक व्यक्तीने स्वतःच्या आरोग्याची काळजी घेणे आवश्यक आहे. पुरुष अनेकदा त्यांच्या आरोग्यास दुय्यम प्राधान्य देतात आणि त्यामुळे त्यांना काही गंभीर आरोग्य समस्या होऊ शकतात. पुरुषांमध्ये प्रामुख्याने आढळणाऱ्या आरोग्य समस्यांची माहिती आणि त्यासाठी घ्यावयाच्या खबरदारीबाबत सविस्तर माहिती जाणून घ्या.

१. हृदयरोग (Heart Disease)

हृदयविकार हा पुरुषांमध्ये मृत्यूमुखी पडण्याचे एक मुख्य कारण आहे. तणाव, अनियमित आहार, व्यायामाचा अभाव, धूम्रपान, मद्यपान, उच्च रक्तदाब आणि कोलेस्टेरॉल वाढणे यांसारखे घटक हृदयविकाराचा धोका वाढवतात. याची लक्षणे म्हणजे, छातीत वेदना किंवा जळजळ होणे. थकवा आणि दम लागणे. चक्कर येणे किंवा घाम येणे. यासोबतच हात, खांदा किंवा जबड्याला वेदना होणे. यावर उपाय असे आहेत की, संतुलित आणि पौष्टिक आहार घ्या (फळे, भाज्या, फायबरयुक्त पदार्थ). दररोज किमान ३० मिनिटे व्यायाम करा. धूम्रपान आणि मद्यपान करणे टाळा. कोलेस्टेरॉल आणि रक्तदाब नियमित तपासावे.

२. मधुमेह (Diabetes)

मधुमेह हा चयापचय विकार आहे ज्यामुळे रक्तातील साखरेची पातळी नियंत्रित ठेवणे कठीण होते. अनुवंशिकता, जास्त वजन, व्यायामाचा अभाव आणि जास्त साखरयुक्त पदार्थांचे सेवन यामुळे मधुमेहाचा धोका वाढतो. याची लक्षणे अशी आहेक की, सतत लघवीला लागणे. सतत तहान लागणे. वजन कमी होणे किंवा वाढणे. थकवा आणि अशक्तपणा. जखमा उशिरा भरून येणे. यावर उपाय, रक्तातील साखर नियंत्रित ठेवण्यासाठी आहारात साखर आणि कर्बोदकांमधे (carbohydrates) नियंत्रित प्रमाण ठेवा. नियमित व्यायाम करा. धूम्रपान आणि मद्यपान टाळा. डॉक्टरांच्या सल्ल्यानुसार रक्तातील साखरेची तपासणी नियमितपणे करा.

३. प्रोस्टेट कर्करोग (Prostate Cancer)

प्रोस्टेट ग्रंथीचा कर्करोग हा पुरुषांमध्ये आढळणारा सामान्य कर्करोग आहे. वयोमान, अनुवंशिकता, आहार आणि जीवनशैली यांचा यावर प्रभाव असतो. याची लक्षणे, वारंवार लघवीला जाण्याची गरज वाटते. लघवी करताना वेदना होतात. वीर्यात रक्त दिसते. पाठदुखी होते. उपाय म्हणून, ५५ वर्षांनंतर नियमित प्रोस्टेट तपासणी करून घ्या. ताज्या भाज्या, फळे आणि फायबरयुक्त पदार्थ जास्त प्रमाणात आहारात समाविष्ट करा. संतुलित वजन ठेवा आणि तणाव व्यवस्थापन करा.

४. त्वचेचा कर्करोग (Skin Cancer)

पुरुष उन्हात जास्त वेळ घालवतात आणि सनस्क्रीन कमी प्रमाणात वापरतात, त्यामुळे त्यांना त्वचेच्या कर्करोगाचा धोका जास्त असतो. अतिनील (UV) किरणांमुळे त्वचेच्या पेशींमध्ये बदल होऊ शकतो आणि कर्करोग होऊ शकतो. याची लक्षणे अशी आहेक की, नव्याने निर्माण झालेल्या तीळामध्ये बदल होणे. जुन्या तीळाचा रंग किंवा आकार बदलणे होणे. त्वचेवर जखम होणे आणि लवकर न भरून येणे. उपाय असे करा की, उन्हात बाहेर जाताना सनस्क्रीन वापरा. लांब बाह्यांचे कपडे आणि टोपी घाला. कोणतेही त्वचेवरील बदल जाणवल्यास त्वचारोगतज्ज्ञांचा सल्ला घ्या.

Edited By - Purva Palande