वैदिक कॅलेंडरनुसार, ११ मार्चला मासिक कालष्टमी आहे. हा सण दर महिन्याच्या कृष्ण पक्षाच्या अष्टमी तिथीला साजरा केला जातो. या दिवशी भगवान शिवाचं उग्र रूप असलेल्या कालभैरव देवाची पूजा केली जाते. आपल्या कामामध्ये यश मिळावं म्हणून उपवास देखील केला जातो. तांत्रिक साधक कालष्टमीला कालभैरव देवासाठी कठोर साधना करतात.

ज्योतिषांच्या मते, चैत्र महिन्यातील कृष्ण पक्षाच्या अष्टमी तिथीला दुर्मिळ शिववास योग निर्माण होत आहे. यासोबतच इतर अनेक शुभ योगही निर्माण होतायत. या योगांमध्ये काल भैरव देवाची पूजा केल्याने भक्ताची प्रत्येक इच्छा पूर्ण होते असं मानलं जातं. चला यावेळीचा शुभ मुहूर्त आणि योग जाणून घेऊया.

कालाष्टमी शुभ मुहूर्त (Kalashtami Shubh Muhurat)

वैदिक कॅलेंडरनुसार, चैत्र महिन्यातील कृष्ण पक्षातील अष्टमी तिथी ११ मार्च रोजी पहाटे १:५४ वाजता सुरू होणार आहे. तर १२ मार्च रोजी पहाटे ४:१९ वाजता संपणार आहे. कालष्टमीच्या दिवशी रात्रीच्या वेळी कालभैरवाची पूजा केली जाते. या रात्रीचा शुभ मुहूर्त रात्री ११:३५ ते १२:२३ आहे.

शिववास योग

ज्योतिषांच्या मते, चैत्र महिन्याच्या कालाष्टमीला एक दुर्मिळ शिववास योग तयार होतोय. ११ मार्च रोजी पहाटे ०१:५४ वाजता हा शुभ योग तयार होत असून त्यावेळी शिववास योग १२ मार्च रोजी पहाटे ०४:१९ वाजता समाप्त होणार आहे.

शिववास योगात कालभैरव देवाची पूजा केल्याने दुप्पट फळ मिळणार आहे. त्याचप्रमाणे सर्व बिघडलेली कामं पूर्ण होणार आहेत. सिद्धी योगाचाही संयोग कालष्टमीला तयार होणार आहे. या योगात कालभैरव देवाची पूजा केल्याने भक्ताला शुभ कार्यात यश मिळतं.

पंचांग

• सूर्योदय - सकाळी ०६:०३ वाजता

• सूर्यास्त - संध्याकाळी ५:५६

• ब्रह्म मुहूर्त - पहाटे ०४:२६ ते ०५:१५ पर्यंत

• विजय मुहूर्त - दुपारी 01:58 ते 02:46 पर्यंत

• संधिप्रकाश वेळ - संध्याकाळी ५:५४ ते ६:१८ पर्यंत