मुंबई : आपल्यापैकी अनेकांना लांब केस खूप आवडतात. काहीचे केस अधिक लांब असतात पंरतु, खूप गळतात तर काहींचे लहान असतात पण वाढत नाही.

हे देखील पहा -

केस वाढवण्यासाठी आपण अनेक उपाय करत असतो. अनेक नवनवीन उत्पादनांचा वापर करतो परंतु, केसांची घनता काही वाढत नाही. अनेक निरनिरळे उत्पादनांचा वापर केल्याने केसांची वाढ थांबते व केस गळू लागतात. आपण ऋतूमानानुसार केसांची काळजी घेत असतो. वाढत्या प्रदुषणामुळे (Pollution) जितके आपल्या शरीराला नुकसान होते तितकेच आपल्या केसांना ही होते. धूळ व हवेत असणाऱ्या केमिकल्समुळे आपल्याला केसांना हानी पोहोचते.ऋतूमानानुसार केसांची काळजी घेणे, मसालेदार पदार्थ, आंबट, खारट पदार्थ खाण्यामुळे केसांच्या अनेक समस्या उद्भवू लागतात. केसांना घनदाट करायचे आहे तर या टिप्स फॉलो करायला हव्या.

१. केसांना सफरचंदाचा व्हिनेगर लावल्यास केसांची टाळू साफ होण्यास मदत होते. यामुळे केस स्क्रब करुन त्याचे पीएच संतुलन राखले जाते. व्हिनेगर हे केसांसाठी चांगले आहे. त्यामुळे केसांची वाढ होऊन त्यांची चमक वाढते.

२. लांब केसांसाठी (Hair) कांद्याचा रस अधिक फायदेशीर ठरतो. कांद्यामध्ये असलेले घटक केस वाढवण्यास मदत करतात.

३. लांब केसांसाठी महागडी उत्पादने वापरण्याऐवजी आपण एरंडेल तेलाचा वापर करु शकतो. रिसिनोलिक ऍसिड आणि ओमेगा ६ फॅटी ऍसिड आहे. त्यामुळे टाळूवर मालिश केल्यास केसांची वाढ सुधारते.

४. आहारामध्ये भरपूर प्रथिनांचा समावेश करा. आहारात दूध-दूग्धजन्य पदार्थ, अंडी, मांस यासारख्या पदार्थांचे अधिक सेवन करा. तसेच तेल लावल्यानंतर केसांची योग्य तशी मालीश करा. असे केल्याने केस घनदाट होण्यास मदत होईल.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre