'गणपती बाप्पा मोरया, पुढच्या वर्षी लवकर या', या घोषणेत दरवर्षी आपण लाडक्या बाप्पाला निरोप देतो. विसर्जनाच्या दिवशी बऱ्याच व्यक्ती बाप्पाच्या आठवणींनी व्याकुळ होतात. अनेकांचे डोळे आसवांनी पाणवतात. अशात काल रविवारी दीड दिवसांच्या गणरायाचे विसर्जन करण्यात आले. यावेळी देखील सर्वांनी बाप्पाला पुढच्या वर्षी लवकर या, अशी विनवणी केली आहे. अशात तुम्हाला माहिती आहे का पुढच्या वर्षी बाप्पा खरोखर लवकरच येणार आहेत.

पुढच्या वर्षी गणराया लवकर येणार

पुढच्या वर्षीच्या गणेश चतुर्थीची तारीख समोर आली आहे. या तारखेनुसार पुढल्या वर्षी म्हणजे २०२५ मध्ये गणपती बाप्पा खरोखर लवकर येणार आहे. बाप्पा तब्बल ११ दिवस आधी त्याच्या भक्तांच्या भेटीला येणार आहे.

२०२५ मध्ये गणेश चतुर्थी कधी

पुढल्या वर्षी म्हणजे २०२५ मधील गणेश चतुर्थीची तारीख २७ ऑगस्ट आहे. यंदा ७ सप्टेंबरला बाप्पा घरोघरी विराजमान झाला आहे. मात्र पुढल्यावर्षी ऑगस्ट महिन्यातच तुमच्या घरी येणार आहे. तसेच २०२५ मध्ये अनंत चतुर्दशी अकराव्या दिवशी म्हणजे ६ सप्टेंबर २०२५ ला आहे.

साल २०३० पर्यंत बाप्पा एकूण ४ वर्ष लवकर येणार आहे. त्यामुळे आता २०३० पर्यंत बाप्पा घरी केव्हा येणार त्याच्या तारखा आणि वार जाणून घेऊ.

२०२५ - २७ ऑगस्ट (बुधवार)

२०२६ - १४ सप्टेंबर (सोमवार)

२०२७ - ४ सप्टेंबर (शनिवार)

२०२८ - २३ ऑगस्ट (बुधवार)

२०२९ - ११ सप्टेंबर (मंगळवार)

२०३० - १ सप्टेंबर (रविवार)

पुढील पाच वर्षांच्या तारखा आणि वार

२०३१ - २० सप्टेंबर (शनिवार)

२०३२ - ८ सप्टेंबर (बुधवार)

२०३३ - २८ ऑगस्ट (रविवार)

२०३४ - १६ सप्टेंबर (शनिवार)

२०३५ - ५ सप्टेंबर (बुधवार)