कॅन्सर म्हटल की अनेकांना धडकी भरते. भारतातच नाही तर जगभरात कॅन्सर ग्रस्त रुग्णांची संख्या वाढतच चालली आहे. मात्र आता एक 'फ्रेंडली बॅक्टेरिया' रुग्णाच्या शरीरात जाऊन थेट कर्करोगाशी लढाई करू शकणार आहे...ज्यामुळे भविष्यात बॅक्टेरियाच्या मदतीने कॅन्सरवर प्रभावी उपचार होऊ शकतील, अशी अपेक्षा वैज्ञानिकांनी व्यक्त केलीय... हा 'फ्रेंडली बॅक्टेरिया' कोणता आहे? वैज्ञानिकांनी नेमकं काय संसोधन केलयं... पाहूयात...

आयआयएसईआर अर्थात भारतीय विज्ञान शिक्षण आणि संशोधन संस्थेच्या कोलकात्याच्या संशोधकांनी 'फ्रेंडली बॅक्टेरिया' विकसित केलाय. 11 जणांची टीम प्रोबायोटिक्स तयार करतेय... या प्रकल्पाला 'रीसेट' अर्थात 'रिप्रोग्रॅमिंग द सप्रेसिव्ह एन्व्हायन्मेंट ऑफ ट्युमर मायक्रोएन्व्हायन्मेंट' असं नाव देण्यात आलयं... हा बॅक्टेरिया ट्यूमरला ओळखून त्याची क्रिया थांबवेल आणि शरीराच्या आतूनच कर्करोगावर मात करण्यात मदत करेल...

दरम्यान लंडनमधील इम्पिरियल कॉलेज आणि जर्मनीतील कोलोन विद्यापीठातील संशोधकांनीही ट्यूमरच्या आतील बॅक्टेरियांचा अभ्यास केला.. 2- मिथाइल आइसोसाइट्रेट नावाचा अणू कर्करोगाच्या पेशींना कमकुवत करत असल्याचा शोध संशोधकांनी केलाय..या शोधामुळे भविष्यात बॅक्टेरियाच्या मदतीने कॅन्सरवर प्रभावी उपचार होऊ शकतील, अशी वैज्ञानिकांची अपेक्षा आहे. त्यामुळे आता हा 'फ्रेंडली बॅक्टेरिया' रुग्णासाठी किती फायदेशीर ठरतो? आणि याचा वापर रुग्णांसाठी कधी केला जातो? हे पाहणं महत्त्वाचं आहे...