फॅटी लिव्हर डिसीज ज्याला MASLD देखील म्हटलं जातं. या समस्येमध्ये सौम्य पोटाच्या तक्रारीची लक्षणं दिसून येतात. कधीकधी, ब्लड टेस्ट किंवा स्कॅनमध्ये कोणतीही गडबड दिसून येण्यापूर्वीच शरीरात लक्षणं दिसू लागतात. वर्ल्ड जर्नल ऑफ हेपॅटोलॉजीमध्ये पब्लिश झालेल्या संशोधनानुसार, पोटफुगी, अस्वस्थ वाटणं आणि सतत पोट भरल्यासारखं वाटणं ही लक्षणं लिव्हरवर दबाव असल्याचं दाखवतात. यामुळे तुमच्या मेटाबॉलिझमवरही परिणा होतो.

वैद्यकीय भाषेत फॅटी लिव्हरला नॉन-अल्कोहोलिक फॅटी लिव्हर डिसीज म्हटलं जातं. परंतु आता त्याला मेटाबॉलिक डिसफंक्शन-असोसिएटेड स्टीएटोटिक लिव्हर डिसीजही म्हणतात. हा आजार सामान्य असून अनेकदा त्याचं निदान होत नाही. त्याची लक्षणं सौम्य असतात आणि बहुतेकदा पोट किंवा पचनाशी संबंधित असतात. अशावेळी लोक साधा गॅस किंवा अपचन समजूल त्याकडे दुर्लक्ष करतात.

रिसर्चमधून काय समोर आलं?

संशोधनातून असं दिसून आलंय की, फॅटी लिव्हरची पहिली लक्षणं बहुतेकदा पोटाच्या माध्यमातून दिसून येतात. अभ्यासातून असं आढळून आलंय की, अनेक रुग्णांना सामान्य ब्लड टेस्ट किंवा अल्ट्रासाऊंड असूनही ओटीपोटात सूज येणं, मळमळ होणं आणि अस्वस्थ वाटणं अशा तक्रारी जाणवतात. फॅटी लिव्हर तेव्हा होतं ज्यावेळी लिवहरमध्ये जास्त चरबी जमा होऊ लागते. अनेकदा याचा दारूशी काही संबंध नसतो. ही चरबी जमा होताना लिव्हरचा आकार वाढतो किंवा हलकी सूज येऊ शकते.

लोकं अनेकदा असं मानतात की, लिव्हरच्या समस्येमध्ये कावीळीसारखी लक्षणं दिसून येतात दिसतात. मात्र याची लक्षणं ही ओटीपोटाच्या वरच्या भागात दडलेली असतात. फॅटी लिव्हर असलेल्या लोकांमध्ये पोट फुगणं आणि लवकर भरल्यासारखे वाटणं यांचा तक्रारींचा समावेश आहे. अशामध्ये हलकं जेवल्यानंतरही पोट भरलेलं वाटू शकतं.

फॅटी लिव्हरची इतर लक्षणं

मळमळ आणि अपचन ही देखील फॅटी लिव्हरची सुरुवातीची लक्षणं असू शकतात. तळलेलं किंवा जास्त जेवल्यानंतर अनेकांना मळमळ किंवा पोटात जळजळ जाणवते. ही लक्षणं खराब आहार, जास्त खाणं किंवा शारीरिक हालचालींचा अभाव यामुळे वाढू शकतात.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.