Makar Sankranti 2022: मुंबई : हिंदू धर्मग्रंथांमध्ये काही कामांना खूप महत्त्व दिले गेले आहे. ही कामे इतकी चांगली आणि पवित्र आहेत की त्यांची फळे जिवंतपणीच नाही तर मृत्यूनंतरही मिळतात, अशी मान्यता आहे. विशेष प्रसंगी केलेले हे कार्य आयुष्यात सुख-समृद्धी, आनंद आणतात. तसेच, वाईट कर्मांमुळे प्राप्त झालेल्या पापांचा नाशही करते. मकर संक्रांती (Makar Sankranti) हा देखील असाच एक विशेष सण आहे. या दिवशी काही महत्त्वाचे काम केल्याने खूप फायदा होतो आणि पापांचा नाशही होतो, अशी मान्यता आहे (Do these things on Makar Sankranti 2022 will bring you happiness and prosperity).

मकर संक्रांतीच्या दिवशी ही कामं करावी

सूर्याची उपासना करा -

मकर संक्रांतीच्या दिवशी सूर्य (Sun) उत्तरायण होते. या दिवसापासून सूर्याचा प्रकाश दीर्घकाळ पृथ्वीवर पडतो. त्यामुळे दिवस मोठा होता आणि रात्र लहान होऊ लागते. या दिवशी सूर्याला अर्घ्य द्यावे आणि पूजा करावी.

पवित्र नदीत स्नान करावे -

मकर संक्रांतीच्या दिवशी पवित्र नद्यांमध्ये किंवा त्यांचं पाणी मिसळलेल्या पाण्याने स्नान केल्याने पापांचा नाश होतो. पौराणिक कथेनुसार, या दिवशी सूर्य आपला पुत्र शनिदेवावरील नाराजी सोडून त्याच्या घरी गेले. त्यामुळे या दिवशी पवित्र नदीत (River) स्नान केल्याने खूप पुण्य मिळते.

दान करा -

मकर संक्रांतीच्या दिवशी दान करण्याचे खूप महत्त्व आहे. या दिवशी तीळ, गूळ, खिचडी, नवीन कपडे, ब्लँकेट दान करावे.

गायीला हिरवा चारा खायला द्यावा -

मकर संक्रांतीच्या दिवशी गाईला हिरवा चारा खायला द्या. त्यामुळे पुण्य मिळते आणि सुख-समृद्धी वाढते.

तीळ-गूळ खावे -

मकर संक्रांतीच्या दिवशी तीळ-गूळ खावे. यामुळे सूर्यदेव आणि शनिदेव दोघांचीही कृपा होते. याशिवाय, हिवाळ्यात होणारे आजारही दूर राहतात. तसेच, यादिवशी देवाला खिचडीचे नैवेद्य दाखवून ती प्रसाद स्वरुपात स्विकारावी.

(टीप - येथे देण्यात आलेली माहिती ही सर्वसाधारण धार्मिक मान्यता आणि माहितीच्या आधारे देण्यात आली आहे. याचं कुठलंही वैज्ञानिक कारण नाही. कुठलाही उपाय करण्यापूर्वी ज्योतिष विषयातील जाणकारांना सल्ला घ्या...)

Edited By - Nupur Uppal