दिवाळी हा सर्वात मोठा सण आहे. प्रत्येक व्यक्ती या सणाची आतुरतेने वाट बघत असतो. दिवाळी म्हटलं की घरोघरी फराळ बनवले जाते. दिवाळी सुरू होण्याच्या दोन दिवस आधी धनत्रयोदशी असते. धनत्रयोदशीला व्यक्ती धन देवता कुबेर यांनी पूजा करतात. या दिवशी घरी एखादी वस्तू खरेदी करून आणणे अत्यंत शुभ मानले जाते. याने घरातील धन आणखी वाढते. चला तर मग यंदा धनत्रयोदशी म्हणजेच धनतेरस कधी आहे आणि याचा शुभ मुहूर्त काय आहे याची माहिती जाणून घेऊ.

केव्हा आहे 2024 ची धनतेरस

साल 2024 मध्ये धनत्रयोदशी 29 ऑक्टोबरला आहे की 30 ऑक्टोबरला यामुळे व्यक्ती संभ्रमात आहेत. त्यामुळे आज याची योग्य तारीख जाणून घेऊ.

वैदिक पंचांगानुसार यंदा धनत्रयोदशी 29 ऑक्टोबर रोजी सकाळी 10 वाजून 34 मिनिटांनी सुरू होत आहे. तर 30 ऑक्टोबरला दुपारी 1 वाजून 17 मिनिटांपर्यंत असणार आहे. त्यामुळे धनत्रयोदशी 29 ऑक्टोबरपासून सुरू होत आहे.

पूजेसाठी शुभ मुहूर्त कोणता?

हिंदू धर्मात धनत्रयोदशीला फार महत्व आहे. यासाठी योग्य मुहूर्त गोधली काळात असल्याचं म्हटलं जातं. शुभ मुहूर्त 29 ऑक्टोबर रोजी सायंकाळी 6 वाजून 34 मिनिटांनी सुरू होतो. तर रात्री 8 वाजून 52 मिनिटांपर्यंत हा शुभ मुहूर्त सुरू असतो. तुम्ही या काळात पूजा करू शकता.

पूजेचे महत्व

प्रत्येक व्यक्ती धनत्रयोदशी आपल्याकडे असलेल्या पैशांनुसार साजरा करतात. या दिवशी काही व्यक्ती नवीन घर खरेदी करतात. तर काही व्यक्ती गाडी, सोने आणि चांदी खरेदी करतात. यात सर्वात महत्वाचे म्हणजे झाडू. व्यक्तीने झाडू खरेदी केला पाहिजे तसेच याची पूजा केली पाहिजे.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.