जर तुमचे खाते सार्वजनिक क्षेत्रातील सेंट्रल बँक ऑफ इंडिया (CBI) मध्ये असेल तर ही बातमी तुमच्यासाठी आहे. वास्तविक, आर्थिक स्थिती सुधारण्यासाठी बँकेने (bank) मोठ्या प्रमाणात शाखा बंद करण्याचा विचार केला आहे. मिळालेल्या माहितीनुसार, बँक आपल्या देशभरातील १३ टक्के शाखा बंद करण्याचा विचार करत आहे.

हे देखील पाहा-

बँक मार्च २०२३ पर्यंत देशभरातील ६०० शाखा बंद करण्याचा किंवा तोट्यात चाललेल्या शाखांचे विलीनीकरण (Merger) करण्याचा विचार करत आहे. सेंट्रल बँक (Bank)ऑफ इंडियाच्या (central bank of india) देशभरात ४५९४ शाखा आहेत. विशेष म्हणजे, २०१७ मध्ये, सेंट्रल बँक ऑफ इंडियासह अनेक बँकांना RBI च्या त्वरित सुधारात्मक कारवाई (PCA) यादीत टाकण्यात आले होते. वाईट आर्थिक स्थितीतून जात असलेल्या बँकांना या यादीत टाकण्यात आले आहे.

या यादीत येणाऱ्या बँकांना अनेक बंधने घालून त्यांची आर्थिक स्थिती सुधारण्याची संधी देण्यात आली होती. २०१८ मध्ये देखील १२ बँकांना RBI च्या PCA फ्रेमवर्कमध्ये ठेवण्यात आले होते. त्यावेळी त्यांच्यामध्ये ११ सरकारी आणि १ खाजगी बँक होती. ज्यांना अतिरिक्त खेळते भांडवल प्रदान करण्यात आले होते.

मिळालेल्या माहितीनुसार, सेंट्रल बँक ऑफ इंडिया वगळता इतर सर्व बँका पीसीए यादीतून बाहेर आल्या आहेत. परंतु, आर्थिक स्थितीत कोणतीही सुधारणा न झाल्याने सेंट्रल बँक या यादीत राहिली. अशा परिस्थितीत बँकेची आर्थिक स्थिती सुधारण्याच्या उद्देशाने १३ टक्के शाखा बंद करण्याचा विचार केला जात आहे.

Edited By- Digambar Jadhav