दंडासन कसे करावे?

चटई घेऊन त्यावर पोटावर झोपा. दोन्ही हात छातीजवळ नेऊन खांदे वर घ्या. हातावर वजन टाकून वर उठा व पायांच्याही बोटांना जमिनीला टेकवून अंग जमिनीपासून वर घ्या.

आता तुम्ही अशा अवस्थेत आहात की जमिन आणि शरीरामध्ये ९० अंशाचा कोन बनेल.

यामध्ये हातावर आणि खांद्यांवर सर्व भार न देता पोटाचे स्नायू आवळून गुरुत्वाकर्षणाविरुध्द शरीर वर उचलून ठेवा. डोकं शरीराप्रमाणे सरळ ठेवून समोर बघा.

या स्थितीत किमान १० सेकंदांपर्यंत किंवा तुमच्या क्षमतेनुसार राहा.

हे देखील पहा -

दंडासनाचे फायदे कोणते?

- हे आसन केल्यास दंड, मांड्या, खांदे आणि मनगट मजबूत होतात.

- ओटीपोटातील स्नायू बळकट होतात.

- ओटीपोट आणि मांड्यांतील अतिरिक्त चरबी कमी होण्यासाठी मदत होते.

- कमरेचे स्नायू बळकट होतात.

- शरीराची ठेवण उत्तम होण्यास मदत होते.

Edited By - Shivani Tichkule