मार्च महिन्याच्या अखेरला या आर्थिक वर्षाचा शेवट होणार आहे. नवीन आर्थिक वर्ष येत्या १ एप्रिलपासून सुरु होणार आहे. मात्र, पहिल्या महिन्यामध्ये बँका ९ दिवस बंद असणार आहेत. रिझर्व्ह बँकेने (RBI) जारी केलेल्या सुट्ट्यांच्या यादीनुसार, वीकेंड वगळून एप्रिलमध्ये बँका (Bank) ९ दिवस बंद राहणार आहेत. बँका बंद असणार्‍या दिवसांच्या यादीत २ आणि ४ शनिवार तसेच रविवारचा देखील समावेश आहे. १ एप्रिल हा नवीन आर्थिक वर्षाचा प्रारंभाचा दिवस असणार आहे आणि त्याच दिवशी महिन्याची पहिली सुट्टी देखील असणार आहे.

हे देखील पहा-

केंद्रीय बँका सुट्ट्यांचे वर्गीकरण 'राष्ट्रीय' आणि 'प्रादेशिक' अशा २ भागात करतात.

पहिल्या श्रेणीमध्ये भारत देशातील बँकांना सुट्ट्या येतात, तर प्रादेशिक श्रेणीमुळे काही राज्यांमधील बँकांच्या शाखा बंद होतात.

एप्रिल २०२२ मधील बँकेच्या सुट्ट्यांची यादी पुढीलप्रमाणे असणार आहे-

१ एप्रिल: early closing of accounts यामुळे बँका बंद राहणार आहेत. आयझॉल, चंदीगड, शिलाँग आणि शिमला वगळता देशात जवळपास सर्व भागांमध्ये बँका बंद राहणार आहेत.

२ एप्रिल: बेलापूर, बेंगळुरू, चेन्नई, हैदराबाद, इंफाळ, जम्मू, मुंबई, नागपूर, पणजी आणि श्रीनगरमध्ये गुढी पाडवा/ उगादी सण/ नवरात्र/ तेलुगु नववर्ष दिन/ साजिबू नोंगमापनबा (चेराओबा) मुळे बँका बंद राहणार आहेत.

४ एप्रिल : सरहूलच्या निमित्ताने रांचीमध्ये बँका बंद राहणार आहेत.

५ एप्रिल : बाबू जगजीवन राम यांच्या वाढदिवसानिमित्त हैदराबादमध्ये बँका बंद राहणार आहेत.

१४ एप्रिल: बाबासाहेब आंबेडकर जयंती/ महावीर जयंती/ बैसाखी/ वैसाखी/ तमिळ नववर्ष दिन/ चेराओबा/ बिजू उत्सव/ बोहाग, बिहू यांमुळे शिलाँग आणि शिमला वगळता देशामधील जवळपास सर्व भागामध्ये बँका बंद राहणार आहेत.

१५ एप्रिल: गुड फ्रायडे/बंगाली नववर्ष दिन (नबावर्षा)/ हिमाचल डे/ विशू/ बोहाग बिहूच्या निमित्ताने देशातील जवळपास सर्व भागात बँका बंद राहणार आहेत.

१६ एप्रिल : गुवाहाटीमध्ये बोहाग बिहूच्या पूर्वसंध्येला बँका बंद राहणार आहेत

२१ एप्रिल : आगरतळामध्ये गरिया पूजेच्या निमित्ताने बँका बंद राहणार आहेत.

१९ एप्रिल: शब-ए-कदर/जुमत-उल-विदामुळे जम्मू आणि श्रीनगरमध्ये बँका बंद राहणार आहेत.

Edited By- Digambar Jadhav