आजवर तुम्ही उन्हापासून रक्षण करणारी झाडं पाहिली असतील. काही झाडं आपल्याला सावली, फुले आणि फळे देखील देतात. नारळपाणी हे एक झाड आपल्याला पाणी देखील देतं. झाडांच्या लाकडांचा वापर आपण ज्वलनासाठी करतो. आता याच झाडाचा आणखी एक अद्भुत शोध लागला आहे. आंध्रप्रदेशमध्ये चक्क पिण्याचं पाणी देणारं झाड सापडलं आहे.

सोशल मीडियावर @kk.create या इंस्टाग्राम अकाउंटवर हा व्हिडिओ पोस्ट करण्यात आला आहे. यामध्ये पाणी देणाऱ्या झाडाची माहिती देण्यात आली आहे. इतकंच नाही तर झाडाचा व्हिडिओ देखील सोशल मीडियावर पोस्ट करण्यात आला आहे.

या झाडामध्ये इतकं पाणी असतं की, ते संपूर्ण गावाची तहान भागवू शकतं. आंध्रप्रदेशच्या एका छोड्या गावात हे दुर्मिळ प्रजातीचं झाड सापडलं आहे. या झाडातून फक्त ऑक्सिजन नाही तर पाणी देखील निघतं. पापीकोंडा नॅश्नल पार्कमध्ये या झाडाचा शोध लागला आहे.

अन्य झाडांमध्ये मुळं जमिनीतून पाणी शोशतात. त्यानंतर खोड हे पाणी सर्व पानांपर्यंत पोहचवते. उरलेल्या पाण्याची वाफ होऊन ते पाणी निघून जाते. मात्र आंध्रप्रदेशमधील या झाडामध्ये पाणी शोशल्यानंतर त्याची वाफ न होत उन्हाळ्याच्या दिवसात हे झाडं एका धिद्रावाटे पाणी बाहेर सोडते. या पाण्याचा नागरिकांना फार फायदा होतो. एवढ्याशा पाण्याने एका संपूर्ण गावाची तहान पूर्ण होऊ शकते.

वॉरेल ट्री असं या झाडाचं नाव आहे. इंडिया टू डे ने देखील याबाबत वृत्त छापलं आहे. आंध्रप्रदेशच्या वन अधिकाऱ्यांनी देखील या झाडाचा शोध घेत यातून पाणी बाहेर काढले आहे. उन्हाळ्याच्या दिवसांत गरमीपासून सुटका मिळावी यासाठी अशा प्रकारचे झाड प्रत्येक राज्यात आणि शहरात असणे गरजेचे आहे, अशा कमेंट देखील या व्हिडिओवर आल्या आहेत.