मुळशी तालुक्यातील भुकूम येथील वैष्णवी हगवणेची हत्या झाली आहे. सुरुवातीला तिने आत्महत्या केल्याचे बोलल जात होते. वैष्णवीने आत्महत्या नव्हे तर तिचा खून केला आहे असा आरोप तिच्या कुटुंबियांनी केला आहे.

वैष्णवी हगवणे ही राजेंद्र हगवणेची सून आहे. राजेंद्र हगवणे हे राष्ट्रवादी काँग्रेस (अजित पवार) गटाचे पदाधिकारी होते. या प्रकरणानंतर त्यांची पक्षातून हकालपट्टी करण्यात आली आहे.

वैष्णवीच्या मृत्यूनंतर तिचा नवरा, सासू आणि नंणदेला अटक करण्यात आले आहे. तर दुसरा मुलगा आणि सासरे फरार आहेत.

वैष्णवी आणि शशांक यांचं लग्न २८ एप्रिल २०२३ रोजी मोठ्या थाटामाटात झाले होते. या लग्नात लेकीसोबत तिच्या वडिलांनी ५१ तोळं सोनं, चांदी आणि फॉर्च्युनर कारदेखील दिली होती.

लग्नानंतर काही दिवसातच तिच्या कुटुंबियांनी तिला त्रास द्यायला सुरु केला. माहेराहून चांदीची भांडी, पैसे आणण्याची मागणी केली.

ऑगस्ट २०२३ मध्ये वैष्णवी गर्भवती होती. तेव्हा तिच्यावर चारित्र्याचा संशय घेऊ तिला मारहाण केली. तिच्या सासूने, नणंदेनेदेखील तिला मारहाण केली.

२७ नोव्हेंबर २०२३ रोजी वैष्णवीने जीव द्यायचा प्रयत्न केला. तिने विष घेतले होते. यातून ती वाचली. त्यानंतर तिला पुन्हा सासरी पाठवले.

शशांकने वैष्णवीच्या वडिलांकडे २ कोटी रुपयांची मागणी केली होते.पैसे न दिल्यावर तिला मारहाण केली. मारहाण केल्यानंतर तिला माहेरी सोडले.

१६ मे रोजी वैष्णवीने गळफास घेऊन आत्महत्या केल्याचे तिच्या नवऱ्याने सांगितले. त्यानंतर डॉक्टरांनी तिला मृत घोषित केले.

वैष्णवीच्या शरीरावर मारहाणीच्या जखमा होत्या. तिच्या सासरच्यांनी तिला मारहाण केली असल्याचे वैष्णवीचे वडील कस्पटे यांनी सांगितले.

आता वैष्णवीच्या १० वर्षांच्या मुलाला त्याच्य आजी-आजोबांकडे सूपूर्त करण्यात आले आहे. वैष्णवीनंतर या बाळाचा सांभाळ त्याचे आजी-आजोबा करणार आहेत.