पुण्याहून कळसूबाई शिखरावर जाण्यासाठी पुणे जंक्शन ते इगतपुरी ट्रेन पकडा. त्यानंतर जीप किंवा बसने तुम्ही पुढे जावू शकता. यासाठी सुमारे तीनशे रूपये खर्च येण्याचा अंदाज आहे.

कळसुबाई हे महाराष्ट्र राज्यातील सर्वात उंच शिखर आहे. कळसुबाई शिखर राज्यातील माऊंट एव्हरेस्ट म्हणून ओळखलं जातं.

मुंबईवरून कळसूबाई शिखरावर जाण्यासाठी रेल्वे हा उत्तम पर्याय आहे. CSMT रेल्वे स्थानकावरून कासारा ट्रेन पकडा. नंतर तेथून बस किंवा शेअरिंग जीपने तुम्ही शिखरापर्यंत पोहोचू शकता. यासाठी दोनशे रूपयांचा अंदाजे खर्च वर्तविला गेलाय.

शिखरावर कळसुबाईचं प्राचीन मंदिर आहे. उंच शिखरावरून खालील सुंदर निसर्ग सौंदर्य दिसतं.

ट्रेकर्सप्रेमींसाठी कळसूबाई शिखर आवडीचे ठिकाण आहे. परंतु शिखरावर राहण्याची तसेच खाण्यापिण्याची कोणतीही सोय नाही. त्यामुळे या वस्तूसोबत ठेवणे, फायद्याचे ठरते.

हिवाळा हा कळसूबाई शिखराला भेट देण्यासाठी सर्वोत्तम काळ आहे. सह्याद्री पर्वतरांगा आणि भंडारदरा तलावाचं सुंदर दृश्य शिखरावरून दिसतं.

पावसाळ्यात पांढरेशुभ्र धबधबे, रंगीबेरंगी रानफुले आणि हिरवळ पर्यटकांना मोहित करतात. चिखल अन धुक्यात ट्रेकर्स पर्यटनाचा मनसोक्त आनंद लुटताना दिसतात.