आजचे पंचांग

सोमवार,१४ जुलै २०२५,आषाढ कृष्णपक्ष,संकष्टी चतुर्थी.

तिथी-चतुर्थी २४|००

रास- कुंभ

नक्षत्र-धनिष्ठा

योग-आयुष्मान

करण-बवकरण

दिनविशेष-शुभ दिवस

मेष - आज संकष्टी चतुर्थी आहे. विशेष गणेश उपासना आपल्याला फायद्याची ठरेल. गुंतवणूक मधून लाभ आहेत. नवनवीन गोष्टी शिकण्याचा आज अट्टाहास राहील. दिवस आनंदी आहे.

वृषभ - कामाबरोबर मनोरंजनात्मक गोष्टींमध्ये सुद्धा सहभाग घ्याल. कलाक्षेत्रामध्ये असणाऱ्या लोकांना प्रयत्न तर करावे लागतील पण म्हणेल तसे यश मिळेल असे वाटत नाही. राजकारणामध्ये पुढाकार घेऊन कामे कराल. 

मिथुन - आज संकष्टी चतुर्थी गणेश उपासना करावी. त्याचे द्विगुणीत फल आपल्याला मिळेल. उत्तम संवादाने प्रगती साधाल . दूरचे प्रवास घडतील.

कर्क - कोणाचे सहकार्य मिळेल आज अशी अपेक्षा नको. शारीरिक आणि भावनिक आंदोलने होतील. मात्र आयुष्य एकट्याचा प्रवास आहे हे आज स्वीकारून पुढे जावे लागेल.

सिंह - अनेक रिंगाळत असलेली कोर्टाच्या कामामध्ये यश मिळेल. व्यवसायामध्ये भरीव गोष्टी कराल. आपले सादरीकरण आज उत्तम राहील. इतरांवर वचक ठेवाल. 

कन्या - पोटाशी निगडित आजार होऊ शकतात. काळजी घ्यावी. आजोळी संबंध सुधारतील. नोकरीमध्ये मात्र गती आणि प्रगती दोन्हीही आहे. 

तूळ -प्रेमाच्या लोकांबरोबर आनंद लुटाल . गुलाबी स्वप्न आज साकार होतील. मनातल्या गोष्टी पूर्ण झाल्यामुळे आनंदाला उधाण येईल. कलाकारांना नवीन सृजनशील गोष्टी सुचतील. गणपती उपासना करा.

वृश्चिक - थोडे तुझे थोडे माझे असे करत दिवस घालवावा लागेल. इतरांचे सल्ले आज विचारात घ्या. घर, गाडी घेण्याचा विचार करत असाल तर आज त्यासाठी ग्रीन सिग्नल आहे. 

धनु -आपला सकारात्मक ओरा आज राहील. जवळच्या लोकांकडून आपली प्रशंसा होईल. मात्र द्विधा मनस्थिती आज टाळणे गरजेचे आहे. जे निर्णय घ्याल ते योग्य ठरतील याचा विश्वास ठेवा. 

मकर - हिशोबी असणारी आपली रास कष्टिक असणारी आपली रास पैशासाठी आज प्राण ओतून काम करावे लागेल. कुटुंबीयांच्या सहकार्याने यामध्ये यश सुद्धा मिळेल. गुंतवणूक करावी अशाही भावना येतील .

कुंभ - बुद्धीला पटतील असाच गोष्टी आज करण्याचा मानस राहील. इतरांवर आपला सकारात्मक प्रभाव राहील. काही गोष्टींचा वचक ठेवल्यामुळे मनासारख्या गोष्टी आज घडवून घ्याल.

मीन- दवाखाने मागे लागतील. एखाद्या आजाराचं लगेचच निदान लागेल असे वाटत नाही. मानसिक अस्वस्थता आज वाटेल. विनाकारण पैसे खर्च होतील.