वैदिक ज्योतिष्य शास्त्रानुसार, प्रत्येक ग्रह एका ठराविक काळानंतर त्यांच्या राशीमध्ये बदल करतात. यामध्ये सर्वात वेगाने राशी बदल करणारा ग्रह म्हणजे चंद्र. शास्त्रानुसार, चंद्राच्या स्थिती बदलाचा सर्व राशींवर परिणाम होतो. याशिवाय ज्योतिषशास्त्रात पापी ग्रह राहू हा गोंधळ निर्माण करणारा ग्रह मानला जातो.

ज्योतिष्य शास्त्रानुसार, चंद्र आणि राहू यांची युती निर्माण झाली असून काही राशींवर याचा परिणाम अधिक धोकादायक असणार आहे. चंद्र-राहू संयोग हा 3 राशींसाठी अशुभ सिद्ध होणार आहे. जाणून घेऊया यावेळी कोणत्या राशींच्या व्यक्तींना सतर्क राहण्याचा सल्ला देण्यात आला आहे.

मेष रास

चंद्र आणि राहुच्या यांच्या युतीचा विपरीत परिणाम या राशीवर होणार आहे. यावेळी तुम्हाला आर्थिक तंगीचा सामना करावा लागणार आहे. कामाच्या ठिकाणी तुम्हाला ताणतणावाचा सामना करावा लागू शकतो. वैवाहिक जीवनात दुरावा येऊ शकतो. कोणत्याही वादामध्ये सापडू नका.

कर्क रास

कर्क राशींच्या व्यक्तींवर चंद्र आणि राहुच्या युतीचा विपरीत परिणाम होणार आहे. नोकरीच्या ठिकाणी इतर सहकाऱ्यांसोबत तुमचं भांडण होऊ शकतं. व्यापारामध्ये तुम्हाला तोटा होण्याची शक्यता आहे. प्रेमसंबंधांमध्ये तुम्हाला धोका मिळण्याची शक्यता आहे.

कन्या रास

कन्या राशीच्या लोकांसाठी चंद्र-राहू संयोग नकारात्मक परिणाम देणारा ठरणार आहे. यावेळी तुमच्या कामावर नकारात्मक परिणाम होणार आहे. नोकरीमध्ये कामाचा ताण वाढू शकतो. किरकोळ व्यवसायात विक्री कमी होण्याची शक्यता आहे. अभ्यासावर लक्ष केंद्रित करण्यात अडचण येऊ शकते.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)