आजचे पंचांग - रविवार दिनांक - १४ जुलै २०२४

आषाढ शुक्लपक्ष. तिथी - अष्टमी. नक्षत्र - चित्रा. योग - शिव. करण- बव . रास -कन्या ०८.४३ नंतर तूळ. दिनविशेष - चांगला दिवस.

मेष : कामासाठी प्रवास होतील

नवीन काही व्यवसाय सुरू करणार असाल तर आजचा दिवस चांगला आहे. भागीदारीमध्ये व्यवसाय लाभदायक ठरेल. कामासाठी प्रवास होतील. दिवस चांगला जाईल.

वृषभ : अचानक धनलाभाची शक्यता

पैशाचे मार्ग सुकर होतील. अचानक धनलाभाची शक्यता आहे. शरीर स्वास्थ्य जपा. महत्त्वाच्या गोष्टी पुढे ढकलल्या तर बरे राहील.

मिथुन : भगवंताची भक्ती करा

वडिलांचे सौख्य लाभेल. त्यांच्या कामाचेही सुख मिळेल. एकूण अलबेल आणि चांगला दिवस राहणार आहे. भगवंताची भक्ती करा. विशेष फळ लाभेल.

कर्क : आपले वजन वाढेल

आपल्या राशीला प्रवास आणि भ्रमंती आवडते त्याच दृष्टीने आज कामे घडतील. ऑफिसमध्ये केलेल्या कामाचे आपले वजन वाढेल. सहकाऱ्यांना बरोबर घेऊन चला.

सिंह : आपलेपणाची भावना वाढेल

जुने मित्र भेटतील. आपलेपणाची भावना जास्त वाढेल. कुठल्याच गोष्टीची इच्छा राहणार नाही. सर्व मनातल्या गोष्टी पूर्ण होतील. दिवस चांगला जाईल.

कन्या : मनस्वास्थ्य जपणे चांगले

काही आजार असतील तर आज त्याचे निदान होईल. प्रवासाचे मोठे बेत आखले जातील. मनस्वास्थ्य जपणे हे आजसाठी चांगले राहील.

तूळ : व्यक्तिमत्व विकास होईल

स्वतःच्याच प्रेमात पडण्याचा आजचा दिवस आहे. आयुष्य कृतकृत्य वाटेल. सकारात्मकता वाढेल. व्यक्तिमत्व विकास होईल.

वृश्चिक :काम करा, कष्ट करा

कुठेही आज जामीन वा साक्षीदार राहू नका. आपल्यासाठी धन मिळवण्याच्या दृष्टीने आजचा दिवस चांगला आहे. काम करा कष्ट करा आणि धनसंचय करा.

धनु : खुश होऊन जाल

मेहनतीचे सुख काय आहे हे आज कळेल. शरीर स्वास्थ्य याकडेही विशेष लक्ष द्याल. स्वतःवरच खुश होऊन जाल. दिवस चांगला जाईल.

मकर : संधीचे सोने कराल

जागेचे व्यवहार होतील. नवीन गोष्टींमध्ये पैसे गुंतवाल. घरामध्ये बदल करण्याची इच्छा होईल. आलेल्या संधीचे सोने कराल.

कुंभ : उपासना फलदायी ठरेल

संतती सौख्याच्या दृष्टीने दिवस चांगला आहे. धनयोग आहेत. शेअर्समध्ये पैसे गुंतवायला हरकत नाही. आपल्या आराध्य दैवतेची उपासना फलदायी ठरेल.

मीन : कोणाच्या वाटेला जाऊ नका

तब्येतीच्या तक्रारी जाणवतील. खाण्यापिण्यावर नियंत्रण ठेवा. विनाकारण कोणाच्या वाटेला जाऊ नका. त्रास वाढतील.