आजचे पंचाग

रविवार,१ सप्टेंबर २०२४,श्रावण कृष्णपक्ष,शिवरात्री

तिथी- चतुर्दशी २९|२२

रास- कर्क २९|४९ नं.सिंह

नक्षत्र-आश्लेषा

योग-परिघ

करण-विष्टिकरण

दिनविशेष-चतुर्दशी वर्ज्य

मेष - तुम्ही घेतलेल्या निर्णय आणि अंदाज आज अचूक ठरतील. घरासाठी नवीन काही खरेदी करण्याचे आज योग आहेत. प्रवासाचे बेत आखत असाल तर आज ते सुखकर ठरतील.

वृषभ - जिद्दीने काम करत रहा. पत्रव्यवहारातून फायदा होईल. शेजारी आणि जवळचे लोक यांच्या सहकार्याने कामाचा नवीन टप्पा गाठाल.

मिथुन - अचानक धन लाभाची शक्यता आहे. जुनी येणी वसूल होतील. मनामध्ये ठरवलेल्या गोष्टी होतील. घरातल्या लोकांबरोबर सहजगत्या कामे मार्गी लागत आहेत असे आज जाणवेल.

कर्क - आज सुट्टीचा दिवस आहे. आनंद लुटाल महत्त्वाची रेंगाळलेले कामे मार्गी लागतील. मनासारख्या गोष्टी झाल्यामुळे मनोबल उत्तम राहील.

सिंह - तब्येतीच्या तक्रारी डोके वर काढतील. दवाखान्याची उगाचच भरपाई करावी लागेल. प्रवास शक्यतो टाळावेत. मनस्ताप वाढेल.

कन्या - अनेकांच्या सहकार्यातून पुढे जाण्याची भावना आहे. आर्थिक लाभ आणि त्यामधून समाधान दोन्ही गोष्टी मिळतील. नातेवाईकांशी चांगले संबंध प्रस्थापित होतील.

तूळ - राजकीय, सामाजिक क्षेत्रामध्ये आघाडी मिळेल. आपल्या वरिष्ठांचे सहकार्य लाभेल. कामाच्या कक्षा रुंदावणाऱ्या ठरणार आहेत.दिवस चांगला जाईल.

वृश्चिक - भगवंताची कृपा काय आहे हे आज जाणवेल. सहज आणि लिलया गोष्टी होतील. महत्त्वाच्या वार्ता कानी येतील आणि आनंदी आनंद होईल.

धनु - कोणाच्या नादी लागून अडचणी ओढवून घेऊ नका. वादविवाद टाळावेत ठरवलेली कामे तशीच होतील असं नाही. कामे रखडतील. विलंबाने होतील.

मकर - वैवाहिक जीवन योग्य असेल तर कामाच्या ठिकाणी मन लागते. आजचा दिवस हा वैवाहिक जीवनात समाधानाचा आहे. भागीदारीतही सुसंधी मिळेल.

कुंभ - हाताखालील नोकर चाकरांचे सहकार्य लाभेल. खर्चाचे प्रमाण वाढते राहील. केलेल्या गोष्टींचे लगेचच फळ मिळेल असा आजचा दिवस नाही.

मीन - बौद्धिक क्षेत्रामध्ये प्रगती होईल. उपासनेमध्ये नवे मार्ग मिळतील. संततीचे प्रश्न मार्गी लागतील. शेअर्समध्ये फायदा होण्याची शक्यता आहे.