शुक्रवार,२१ फेब्रुवारी २०२५,माघ कृष्णपक्ष.

तिथी- अष्टमी ११|५८

रास- वृश्चिक

नक्षत्र- अनुराधा

योग- व्याघात

करण- कौलव

दिनविशेष- १६ प. चांगला

मेष - लहान मुलांना तब्येतीची काळजी घ्यावी लागेल. अपघात आणि अग्नीपासून धोका संभवतो आहे. गुढ विषयाविषयी ओढ वाढेल. दिवस संमिश्र आहे .

वृषभ - दूरच्या प्रवासाच्या दृष्टीने नियोजित बैठक आज पार पाडाल. व्यवसायाच्या क्षेत्रात आघाडीवर राहाल. प्रेमात यश मिळेल. जिद्दीने नातेसंबंध प्रस्थापित कराल.

मिथुन - फुफ्फुसाशी निगडित आजार, खोकला, दमा या गोष्टींपासून आज काळजी घ्यावी. कामाच्या बाबतीत भाग्यकारक घटना घडून येताना दिसते आहे. मात्र आपल्याच लोकांपासून त्रास संभवतो आहे.

कर्क - क्रीडा क्षेत्रात चांगली मजल माराल. प्रेम प्राणयाच्या दृष्टीने दिवस फुलणारा आहे. नव्याने प्रस्ताव ठेवायला आज हरकत नाही. शेअर्समधील गुंतवणूक फायद्याची ठरेल.

सिंह - पाळीव प्राणी, दुग्ध व्यवसाय, यामधून विशेष धनप्राप्तीचे आज योग आहेत. घरातील महत्त्वाच्या जबाबदाऱ्या आज आपल्याला उचलाव्या लागतील. योग्य प्रकारे त्या पारही पाडाल. दिवस संमिश्र आहे.

कन्या - जिद्द आणि चिकाटीमुळे प्रगतीची वाटचाल कराल. बौद्धिक दर्जा उजळून निघेल. आपल्या वक्तृत्वावर आजूबाजूचे लोक भाळून जातील. दिवस चांगला आहे.

तुळ - जोडीदाराच्या तब्येतीची आज काळजी घ्यावी लागेल. धनाची आवक जावक चांगली राहील ठरवलेल्या गोष्टी मनाप्रमाणे पार पडतील. खाद्यपदार्थांमध्ये विशेष रुची वाढेल.

वृश्चिक - आत्मविश्वासाने भरलेला आजचा दिवस आहे. आपले व्यक्तिमत्व खुलून येईल. आज आरशाची गरज राहणार नाही, असा दिवस प्रभावीपणे सहज घालवाल. दिवस चांगला आहे.

धनु - कधी कधी आपल्या स्वभावाचा आपल्यालाच त्रास होतो. मनस्तापाचा दिवस आहे. द्विधामनस्थिती टाळून अध्यात्माची कास धरावी लागेल. मोठे प्रवास आणि त्यामधून मिळणारे फायद्याच्या दृष्टीने दिवस चांगला आहे.

मकर - जुनी मैत्री, जुने नातेसंबंध दृढ होतील. गुंतवणूक फळाला जाईल. जवळच्या व्यक्तींबरोबर स्नेहभोजनाचे योग आहेत.दिवस सार्थकी लागेल.

कुंभ - प्रेमाला अनेक वाटा आहेत. विनाकारण आज याच्यामध्ये कटकटी उत्पन्न होतील. विशेषत्वाने आपल्या कार्यक्षेत्रावर लक्ष केंद्रित करणे गरजेचे आहे. त्यामध्ये मात्र यश मिळेल.

मीन - सद्गुरूंची विशेष कृपा आज राहणार आहे. दत्त उपासना फलदायी ठरेल. दानधर्म आणि दानत आज चांगली ठेवा. भाग्यकारक घटना घडतील.