दिवाळीला सुरुवात झाली असून संपूर्ण देशभरात अगदी उत्साहात हा सण साजरा केला जातोय. दिवाळी, संपत्ती, समृद्धी आणि सौभाग्याचा सण यावर्षी 31 ऑक्टोबर 2024 रोजी साजरा केला जाणार आहे. यंदा दिवाळी ३१ ऑक्टोबर आणि १ नोव्हेंबर या दोन्ही दिवशी आहे.

तज्ज्ञांच्या म्हणण्यानुसार, यंदाची दिवाळी ही ज्योतिष्य शास्त्राच्या हिशोबाने देखील महत्त्वाची आहे. या काळात दिवाळीवर काही विशेष उपाय केल्यास त्याचा प्रभाव पुढील वर्षीच्या दिवाळीपर्यंत राहणार आहे. तज्ज्ञांच्या मते हे उपाय काही राशीच्या लोकांसाठी विशेषतः फायदेशीर असणार आहे. जाणून घेऊया हे उपाय आणि राशी कोणत्या आहेत.

वृषभ रास

वृषभ राशीच्या लोकांवर देवी लक्ष्मीची नेहमी विशेष कृपा असणार आहे. आर्थिक लाभाच्या दृष्टीने हा काळ तुमच्यासाठी चांगला राहणार आहे. नवीन व्यावसायिक संबंध निर्माण होणार आहेत. कुटुंबात सुख-शांती नांदणार आहे.

कर्क रास

कर्क राशीच्या लोकांना या काळात लक्ष्मीच्या आशीर्वादाने भरपूर आर्थिक लाभ मिळू शकणार आहेत. नोकरीत बढती मिळण्याची दाट शक्यता आहे. तुम्ही तुमची नोकरी बदलण्याचा विचार करत असाल तर या काळात तुम्ही तसे करू शकता. कर्जमुक्ती मिळाल्याने तणाव कमी होऊ शकणार आहेत. जमीन आणि मालमत्तेशी संबंधित प्रकरणांमध्ये यश मिळू शकणार आहे.

मीन रास

मीन राशीच्या लोकांसाठी हा काळ अतिशय शुभ राहणार आहे. नोकरीत बढतीमुळे आर्थिक लाभ होईल. नफा मिळवून आणि पैशांची बचत करून कर्जापासून मुक्ती मिळू शकणार आहे. कौटुंबिक जीवनात प्रेम आणि आनंद वाढणार आहे. परदेशात नोकरी करण्याची इच्छा पूर्ण होऊ शकते.

काय कराल उपाय?

हिंदू धर्मात, देवी लक्ष्मीचा निवास गोमती चक्रात मानला जातो, ज्यामुळे धन आणि समृद्धी येते. लक्ष्मीपूजनात लवंग आणि वेलचीचा वापर शुभ आहे. या राशींसाठी फक्त 5 गोमती चक्र, 5 गुढ्या, 5-5 लवंगा आणि वेलची एका लाल चौकोनी कपड्यात बांधून दिवाळी पूजेदरम्यान देवी लक्ष्मीला अर्पण करायाचंय.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)