आजचे पंचांग - शनिवार ३१ऑगस्ट २०२४ श्रावण कृष्णपक्ष शनिप्रदोष. तिथी-त्रयोदशी २७|४१. रास- कर्क. नक्षत्र-पुष्य. योग-वरीया. करण-गरज. दिनविशेष-त्रयोदशी वर्ज्य.

मेष - पाहुणे मंडळींच्या आगत - स्वागत यामध्ये आज व्यस्त रहाल. प्रिय व्यक्तींचा सहवास लाभेल. आनंदामध्ये वृद्धी होईल.

वृषभ - व्यवसायामध्ये काही चांगल्या घटना आज कानी येतील. भाग्यकारक दिवस राहणार आहे. स्वतःचा पराक्रमावर खूश व्हाल.

मिथुन - जुन्या गोष्टींमध्ये मन रमेल. आठवणींमध्ये दंग व्हाल. कुटुंबीयांच्या प्रेमाबद्दल कृतकृत्य भावना मनामध्ये येईल. विविध पदार्थांची आज लयलूट राहील.

कर्क - आनंदी क्षणांचा आजचा दिवस आहे. मन प्रसन्न राहील सकारात्मकता वाढवणारा, नवीन संधी आयुष्यात घेऊन येणारा आजचा दिवस आहे.

सिंह - तब्येत तक्रारी देणारा आजचा दिवस आहे. मनस्ताप वाढेल. खर्च वाढतील. बंधन योग येतील. अडकून पडल्याची भावना येईल. नकारात्मकता वाढेल.

कन्या - सहज, सुलभ दिवस आहे. मनात येणाऱ्या सर्व इच्छा पूर्ण होतील. जुनी गुंतवणूक फायदेशीर ठरेल.

तूळ - नवीन परिचयातून व्यवसाय वृद्धी होईल. करिअरमध्ये नवीन गोष्टी आणि वाटा सापडतील. सुयशप्राप्ती आहे.

वृश्चिक - नातवंडांच्या प्रेमाकडे ओढा असणार आहे. त्यांचा कौतुक यामध्ये दंग होऊन जाल. मोठ्या प्रवासाचे बेत आखाल.

धनु - चुकीच्या गोष्टींमध्ये अडकण्याचा आजचा दिवस आहे. ठरवून यापासून बाजूला रहा. जास्त कोणाच्या कामांमध्ये डोकवण्याचा प्रयत्न करू नका.

मकर - कोर्ट कचेरीच्या कामांमध्ये यश मिळेल. नवीन स्वप्नांना उभारी मिळेल. अर्थ आणि स्वार्थ यात द्विधेमध्ये रहाल. प्रथम मात्र प्राधान्य पैसे मिळवण्यासाठी द्याल.

कुंभ - सांधेदुखी, हाडांचे विकार आज त्रस्त करतील. मानसिकता थोडी उद्विग्न राहील. स्वतःचे स्वास्थ जपावे असे सांगणारा आजचा दिवस आहे.

मीन - प्रणयी दिवस आहे. प्रेमाची गुलाबी स्वप्ने बघाल. या प्रेमाची परिणीती लग्नात होण्याची शक्यता आहे. त्या दृष्टीने प्रयत्न करावेत. दत्त उपासना विशेष साध्य होईल.