आजचे पंचाग २५ मे २०२४

वार - शनिवार. तिथी - कृ. द्वादशी नक्षत्र - जेष्ठा. योग - सिद्ध. करण - तैतील ०७.१५ नंतर गरज. रास - वृश्चिक १०. ३६ नंतर धनू. दिनविशेष - ११ नंतर चांगला.

मेष : वागण्यावर नियंत्रण ठेवा

आपला स्वभाव तसा तापट आहे. कामाच्या बाबतीत याच गोष्टी आज नडतील त्यामुळे आपल्या वागण्यावर नियंत्रण ठेवा.

वृषभ : मनासारख्या गोष्टी घडतील

बऱ्याच गोष्टी मनासारखा होण्याचा आजचा दिवस आहे. काम असो, घर असो यश मिळणार आहे. आपल्या स्वभावाप्रमाणे आज खर्चही होणार आणि कामही करणार असा संमिश्र दिवस आहे.

मिथून : ठाम मत ठेवा

काही वेळेला निर्णयाच्या बाबतीत व्दिधा मनस्थिती घातक ठरते. म्हणून असे निर्णय घेण्यासाठी मत ठाम ठेवा म्हणजे अडचणी पुढे उभ्या राहणार नाहीत. तब्येत जपा.

कर्क : योग्य निर्णय घ्या

अति संवेदनशील असणे हे कलियुगात गुन्हाच आहे म्हणावे लागेल. तसा आपला स्वभाव आहे. उगाच कोणत्याही गोष्टीत आज वाहत जाऊ नका. आपल्याला योग्य अयोग्य यातील एक निर्णय आज घ्यावा लागेल.

सिंह : उपकारांची परतफेड कराल

"मरावे परी कीर्तिरूपे उरावे" अशी आपली जगण्याची धाटणी आहे. करेन तर नीटच नाही तर करणार नाही असा आपला स्वभाव. यातच स्वभावाप्रमाणे आज अनेकांचे उपकार फेडण्यात आपला दिवस जाईल.

कन्या : हुशारीचा मार्ग निवडा

आपण हुशार निश्चितच आहात. पण या हुशारीचा योग्य तो मार्ग कोणता हे आज निवडा. पराक्रम तर आहेच व होणारच पण त्यासाठी नक्की कोणाबरोबर जायचे हे विचार करा आणि मग पुढे चला. कधी कधी एकटा मार्ग जास्त सोयीचा असतो.

तुळ : हाती पैसा राहील

सर्व गोष्टींची हौस आपली आपण पुरवतोच पण कुटुंबीयांची सुद्धा पुरवताना आज नाकीनऊ येईल. पण याला दुसरा पर्यायच नसेल म्हणून पैशासाठी हात आज राहील.

वृश्चिक : सकारात्मकता वाढेल

"केल्याने होत आहे रे आधी केलेची" पाहिजे असा आजचा आपला दिवस आहे. खूप गोष्टी कराल. आनंदाने व्यक्त व्हाल. सकारात्मकता वाढेल.

धनु : मनस्थितीवर नियंत्रण ठेवा

कधी होणार तर कधी माणूस" असा आपला स्वभाव आहे. काय करायचे आपणच आपल्याला खूपदा उमगत नाही. मग इतरांनाही आपला त्रास होतो. त्यामुळे आज मनस्थितीवर नियंत्रण ठेवा.

मकर : आज आर्थिक लाभ होतील

आपण पैशाच्या बाबतीत कंजूस आहात. कंजुषी आपला स्वभाव आहे. अर्थात काही वेळेला या गोष्टी बऱ्या ठरतात. म्हणून अनेक लाभ आज मिळताना दिसतील.

कुंभ : जीव ओतून काम करा

वायू तत्वात महत्वाची असणारी आपली बौद्धिक रास. कामाच्या ठिकाणी जीव ओतून काम कराल .काही वेळेला माझं आणि तुझं हा भेदभाव आपण करत नाही. त्यामुळे सहकाऱ्यांना बरोबर घेऊन आज काम होईल.

मीन : सुखाची ओंजळ भरणार

खूप साधे सहज आयुष्य आपल्याला जगायला आवडते. खूप काही इच्छा ठेवतही नाही आणि मारतही नाही. आजचा दिवस असाच भगवंताच्या कृपेने सुखाची ओंजळ भरून देणार.