या वर्षी सूर्यदेव 14 जानेवारीला मकर राशीत प्रवेश करणार आहेत. मकर संक्रांतीचा उत्सव याच दिवशी साजरा होणार आहे. यावेळी मकर संक्रांती अत्यंत खास ठरणार आहे, कारण जवळपास 23 वर्षांनंतर मकर संक्रांतीला एकादशीचा संयोग होतोय. या दिवशी षटतिला एकादशी आहे. यापूर्वी मकर संक्रांती आणि एकादशीचा असा संयोग सन 2003 मध्ये झाला होता. चला पाहूया, या संयोगात मकर संक्रांतीची पूजा कशी करावी.

मकर संक्रांतीवर दोन शुभ योग

सूर्य जेव्हा मकर राशीत प्रवेश करतील तेव्हा ते उत्तरायण होतात. म्हणजेच या दिवसापासून सूर्य उत्तर दिशेकडे गती करतो. यावेळी मकर संक्रांतीच्या दिवशी दोन शुभ योगही निर्माण होत आहेत. यामध्ये सर्वार्थ सिद्धी योग आणि अमृत सिद्धी योग यांचा समावेश आहे. या योगांमुळे दान-पुण्य आणि पूजेचं महत्त्व अनेक पटींनी वाढतं.

मकर संक्रांतीचे शुभ मुहूर्त

• पुण्यकाल- 14 जानेवारी, दुपारी 03:04 ते संध्याकाळी 05:57

• महापुण्यकाल- दुपारी 03:04 ते 03:28

• स्नान-दानाचा मुहूर्त- सकाळी 09:03 ते 10:48

मकर संक्रांतीची पूजेची पद्धती

मकर संक्रांतीच्या दिवशी सकाळी ब्रह्ममुहूर्तात उठून पवित्र नदीत स्नान करावं किंवा घरात स्नान करावं. घरात स्नान करताना पाण्यात तिळांचा समावेश करणं शुभ मानण्यात येतं. स्नानानंतर सूर्यदेवाला तांब्याच्या लोट्यातील पाणी अर्पण करावं. त्यात लाल फुलं, तीळ आणि अक्षता घालाव्या. या वेळी “ॐ सूर्याय नमः” किंवा “ॐ घृणि सूर्याय नमः” मंत्राचा जप करावा.

यंदाच्या संक्रांतीसोबत एकादशी असल्यामुळे भगवान विष्णूची पूजा करणं आवश्यक आहे. त्यांना तिळापासून बनवलेले पदार्थ आणि फळांचा नैवेद्य अर्पण करावा. त्यानंतर गरजूंना दान-दक्षिणा द्यावी.

मकर संक्रांतीवरील दानाचं महत्त्व

षटतिला एकादशीच्या संयोगात आलेल्या या मकर संक्रांतीला काही विशेष वस्तूंचं दान अत्यंत महत्त्वाचं मानलं जातं. या दिवशी अन्न, वस्त्र आणि धन यांसोबतच तीळ, गुळापासून बनवलेल्या वस्तूंचं दान केल्याने पुण्य मिळतं.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)