Yuzvendra chahal: भारतीय क्रिकेटपटू युझवेंद्र चहल त्याच्या वैयक्तिक आयुष्यामुळे, विशेषतः त्याच्या प्रेमसंबंधांमुळे अनेकदा चर्चेत असतो. अलिकडेच, ब्रेकअपच्या अफवांमध्ये, युझवेंद्र एका अभिनेत्रीसोबत दिसला. यामुळे त्यांच्या डेटिंगच्या अफवांना उधाण आले आहे.

खरं तर, क्रिकेटपटूच्या घटस्फोटानंतर, त्याचे नाव आरजे माहवशशी जोडले गेले होते. परंतु अलीकडेच त्यांच्या ब्रेकअपच्या बातम्याही समोर आल्या. या सर्वांमध्ये, युझवेंद्र बिग बॉस फेम अभिनेत्रीसोबत दिसला. त्यांना एकत्र पाहून नेटकरी आश्चर्यचकित झाले.

युझवेंद्र बिग बॉस स्टारसोबत दिसला

आरजे माहवशसोबत ब्रेकअपच्या अफवांनंतर, युझवेंद्र चहल काल रात्री (शनिवारी) एका रेस्टॉरंटमधून बाहेर पडताना दिसला. त्याच्यासोबत बिग बॉस फेम अभिनेत्री शेफाली बग्गा देखील होती. युजवेंद्रने काळा शर्ट आणि जीन्स घातला होता, तर शेफाली काळ्या ड्रेसमध्ये दिसली. युजवेंद्र आणि शेफाली रेस्टॉरंटमधून बाहेर पडताच पापाराझींनी त्यांना कॅमेऱ्यात कैद केले. शेफाली कॅमेऱ्यांपासून दूर जात होती. युजवेंद्रने मास्क घालून पॅप्ससाठी पोज दिली आणि नंतर निघून गेला.

युजवेंद्र-शेफालीच्या व्हिडिओवर नेटकऱ्यांच्या प्रतिक्रिया

युजवेंद्र आणि शेफाली बग्गाचा व्हिडिओ सोशल मीडियावर येताच, कमेंट सेक्शनमध्ये तर्कवितर्क लावण्यात आले आहेत. दोघांच्या डेटिंगची चर्चा सुरू झाली. एका नेटकऱ्याने विचारले, "ते डेटिंग करत आहेत का?" दुसऱ्याने लिहिले, "फार लगेच मूव्ह ऑन नाही झाला का हा?" तर अनेक नेटकरी त्यांना ट्रोलही करत आहेत.