Saiyaara Vs Ye re ye re paisa 3 : महाराष्ट्र नवनिर्माण सेनेच्या (मनसे) चित्रपट शाखेचे अध्यक्ष अमेय खोपकर यांनी एका नवीन वादात मल्टीप्लेक्स मालकांवर मराठी चित्रपट 'येरे येरे पैसा ३' हा मोठ्या बॅनरच्या बॉलिवूड रिलीज 'सैयारा'साठी चित्रपटगृहातून काढून टाकल्याचा आरोप केला.

'येरे येरे पैसा ३' हा चित्रपट १८ जुलै रोजी प्रदर्शित झाल्यानंतर अवघ्या एका आठवड्यातच अनेक चित्रपटगृहांमधून काढून टाकण्यात आला, जेणेकरून यशराज फिल्म्स निर्मित 'सैयारा' या हिंदी चित्रपटासाठी अधिक स्क्रिनिंग मिळाव्यात. खोपकर म्हणाले, आमचा 'येरे येरे पैसा ३' हा चित्रपट १८ जुलै रोजी महाराष्ट्रात प्रदर्शित झाला. प्रेक्षकांनी त्याला उत्तम प्रतिसाद दिला. त्या दिवशी यशराज फिल्म्सचा 'सैयारा' नावाचा हिंदी चित्रपटही प्रदर्शित झाला. चांगला प्रतिसाद असूनही, दादरमधील प्लाझा सिनेमासह अनेक स्क्रीनवर मराठी चित्रपटाच्या जागी सैयारा दाखवण्यात आला, असा आरोप त्यांनी केला."

मराठी चित्रपटांना बाजूला सारण्याचा प्रकार सुरूच राहिला तर निषेध करण्याचा इशारा खोपकर यांनी दिला. "मी आता शांत आहे, मी आता निषेध करत नाही, कारण मला माझ्या चित्रपटांसाठी निषेध करायचा नाही. पण भविष्यात जेव्हा इतर कोणत्याही मराठी चित्रपटाला अडचणी येतील तेव्हा मी मल्टिप्लेक्सचे काच फोडेन," असे पुढे ते म्हणाले.

येरे येरे पैसा 3 ने बॉक्स ऑफिसवर 78 लाख रुपयांची कमाई केली आहे, तर अहान पांडे आणि अनीत पड्डा अभिनीत सैयाराने भारतात 190 कोटी रुपयांपेक्षा जास्त कमाई केली आहे. येरे येरे पैसा 3 हा करण जोहरच्या धर्मा प्रॉडक्शनने सादर केला आहे आणि संजय एस जाधव लिखित आणि दिग्दर्शित आहे.