Kirtan Programme :

‘सन मराठी’ वाहिनी नवीन वर्षाची सुरुवात अतिशय पारंपारिक विचारांनी करत आहे. आपल्या संस्कृतीचा वसा आणि कीर्तनाचा वारसा जपण्यासाठी पुढील पिढीकडे पोहचवण्यासाठी महत्त्वाचे पाऊल उचलत आहे. कीर्तनाच्या माध्यमातून प्रेक्षकांपर्यंत संतांचे विचार पोहचवणार आहे. या कार्यक्रमाचे नाव आहे “वसा संस्कृतीचा - वारसा किर्तनाचा”.किर्तनाचा हा कार्यक्रम ९ जानेवारी २०२४ पासून दररोज सकाळी ७:३० वाजता हा कार्यक्रम ‘सन मराठी’ वाहिनीवर प्रसारित होणार आहे.(Latest News)

“वसा संस्कृतीचा - वारसा किर्तनाचा” या क्रार्यक्रमासाठी ‘ह.भ.प. भगवतीताई सातारकर’, ‘ह.भ.प. चिन्मयदादा सातारकर’, ‘ह.भ.प.कांचनताई जगताप’, ‘ह.भ.प. शिवलीलाताई पाटील’, ‘ह.भ.प. सोहम महाराज काकडे’ यांचे उल्लेखनीय योगदान लाभले आहे. आपले किर्तनकार म्हणजे संतांचे फॅन फॉलॉवर्सच. अगदी ज्ञानोबा तुकाराम माऊलींपासून नीलोबांपर्यंत संतांनी केलेले अभंग समजून घेऊन, स्वतः आचरणात आणून ते महान विचार आणि त्यामागील अर्थ लोकांनां समजावणे म्हणजे किर्तन.

किर्तनातून समाज सुधारण्याचे मोलाचे काम घडते. काही किर्तनकार मूळ अभंगात सध्याच्या काळानुसार थोडे फार बदल घडवून सामान्य लोकांना समजेल अशा भाषेत त्यामागील विचार लोकांना सांगतात. ऐकणारा श्रोता ऐकता ऐकता गुंग होईल आणि संतांचे महान विचार हे आपल्या रोजच्या जीवनात आचरणात आणतील याची खात्री किर्तनकार घेत असतात.किर्तन आता पुढच्या पिढीपर्यंत यशस्वीपणे पोहचणार, याची खात्री ‘सन मराठी’ वाहिनी घेईल.