बॉलिवूड अभिनेत्री उर्मिला मातोंडकर (Urmila Matondkar) सध्या तिच्या वैयक्तिक आयुष्यामुळे चर्चेत आली आहे. लग्नाच्या 8 वर्षानंतर उर्मिला पती मोहसिन अख्तर मीरपासून घटस्फोट घेत असल्याची चर्चा सोशल मीडियावर चांगलीच रंगली आहे.

मीडिया रिपोर्टनुसार, उर्मिलाने खूप विचारपूर्वक घटस्फोट घेण्याचा निर्णय घेतला आहे. तिने मोहसिन अख्तर मीर (Mohsin Akhtar Mir) सोबत घटस्फोटाची याचिका मुंबई न्यायालयात दाखल केली आहे. मात्र त्या दोघांनी याची अद्याप अधिकृत घोषणा केली नाही आहे. यांच्या घटस्फोटाचे नेमकं कारण अद्याप समजलेले नाही आहे. मात्र दोघांच्या परस्पर संमतीने हा घटस्फोट होत नसल्याचे बोले जात आहे. तसेच तिला पती मोहसिनपासून विभक्त होऊन पुन्हा एकदा आपल्या करिअरकडे लक्ष केंद्रित करायचे आहे.

उर्मिला आणि मोहसिन अख्तर बऱ्याच काळापासून एकत्र नसल्याच्या चर्चा सुरू होत्या. उर्मिला आणि मोहसिन अख्तर 2016 मध्ये लग्नबंधनात अडकले होते. डिझायनर मनीष मल्होत्रा या दोघांचा कॉमन फ्रेंड आहे. यांच्यामुळेच त्या दोघांमध्ये मैत्री झाली. मोहसिन आणि उर्मिला यांची पहिली भेट मनीष मल्होत्राच्या भाचीच्या लग्नात झाली होती.

मोहसिन अख्तर मीर हा काश्मीरमधील बिझनेसमॅन आणि मॉडेल आहे. उर्मिला आणि मोहसिन यांमध्ये 10 वर्षांच्या फरक आहे. मोहसिन उर्मिलापेक्षा 10 वर्षांनी लहान आहे. उर्मिलाने 'झाकोळ' या चित्रपटातून सिनेसृष्टीत पदार्पण केले. मात्र 'मासूम' चित्रपटामुळे उर्मिला प्रसिद्धीच्या झोकात आली. त्यानंतर उर्मिलाने अनेक हिट चित्रपट दिले आहेत.