छोट्या पडद्यावरील प्रसिद्ध अभिनेता नितीन चौहानचं निधन झालं आहे. नितीनने वयाच्या अवघ्या ३५ व्या वर्षी जगाचा निरोप घेतला. नितीनच्या निधनाने संपूर्ण टिव्ही विश्वात शोककळा पसरली आहे. अभिनेत्याच्या अचानक जाण्याने चाहत्यांनाही मोठा धक्का बसला आहे.

नितीन चौहानच्या निधनाची माहिती विभूती ठाकूर हिने दिली आहे. सोशल मीडियावर विभूतीने एक पोस्ट शेअर केली आहे. या पोस्टच्या स्टोरीमध्ये तिने,"रेस्ट इन पीस माय डिअर. ऐकून खूप आश्चर्य व दु:ख झाले." असं म्हटलं आहे. पुढे तिने, "देव तुमच्या आत्म्याला शांती देवो." यातच नितीनचा मृत्यू नेमका कशामुळे झाला हे अद्याप स्पष्ट झाले नाही.

'क्राइम पेट्रोल' आणि 'स्प्लिट्सविला' या कार्यक्रमांच्या माध्यमातून नितीन लोकप्रिय झाला. क्राइम पेट्रोलमधून नितीनला खरी ओळख मिळाली. 'जिंजगी डॉट कॉम' मध्येही नितीनने काम केलं. नितीनने शेवटचे २०२२ मध्ये "तेरा यार हूं मै" या टिव्ही शोमध्ये दिसला होता.