‘तारक मेहता का उल्टा चश्मा’ची गेल्या अनेक दिवसांपासून सोशल मीडियावर जोरदार चर्चा होताना दिसत आहे. मालिकेचं नाव घेताच आपल्याला आपसुकच दयाबेन आणि जेठालालची जोडी डोळ्यासमोर येते. सध्या मालिकेमध्ये दयाबेन नसल्यामुळे सोशल मीडियावर तिच्या येण्याची चर्चा होत आहे. नुकतंच सोशल मीडियावर दयाबेनच्या येण्याची चर्चा झाली होती. पण निर्मात्यांनी चाहत्यांची दिशाभूल केल्यामुळे मालिकेला बॉयकॉट करण्याची मागणी केली जात आहे.
गेल्या काही दिवसांपूर्वीच मालिकेच्या निर्मात्यांनी इन्स्टाग्रामवर दयाबेन येणार असल्याचा एक प्रोमो शेअर केला होता. हा व्हिडीओ शेअर केल्यानंतर चाहत्यांमध्ये मालिकेत आता दयाबेन येणार अशी चर्चा होत होती. पण निर्मात्यांनी चाहत्यांची दिशाभूल केल्यामुळे सोशल मीडिया प्लॅटफॉर्म एक्स (ट्वीटर)च्या माध्यमातून मालिकेला बॉयकॉट करण्याची मागणी केली जात आहे. मालिकेतल्या कलाकारांसोबतच चाहतेही दयाबेन येणार म्हणून खूपच उत्साहित झाले होते. पण दिशाभूल झाल्यामुळे सर्वच नाराज झाले.
सध्या सोशल मीडियावर एक प्रोमो जोरदार व्हायरल होत आहे. ह्या व्हायरल प्रोमोमध्ये जेठालालचा चेहेरा दु:खी दिसत आहे. गोकुळधाम सोसायटीच्या आवारामध्ये एक पांढऱ्या रंगाची कार आलेली दिसत आहे.
सर्वांनाच मालिकेमध्ये आता दयाबेनची एन्ट्री होणार म्हटल्यावर आनंदित होते. पण निर्मात्यांकडून फक्त चाहत्यांचीच नाही तर मालिकेतल्या कलाकारांचीही फसवणूक केली आहे. फसवणूक झाल्यामुळे सर्वांच्याच चेहेऱ्यावरून नाराजी दिसत आहे.
‘जनता माफ नाही करणार’ असे अनेक विविध कमेंट करुन नेटकऱ्यांनी मालिकेला बॉयकॉट करण्याची मागणी केली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.