Salman Khan-Kriti Sanon at Bigg Boss 17:

बॉलिवूड अ‍ॅक्टर टायगर श्रोफ आणि क्रिती सेनन यांचा बहुप्रतीक्षित चित्रपट 'गणपत: अ हिरो इज बॉर्न' २० ऑक्टोबरला प्रदर्शित झाला. टायगरसह क्रितीने देखील या चित्रपटामध्ये जबदस्त अ‍ॅक्शन करताना दिसत आहे. या चित्रपटामध्ये अमिताभ बच्चन देखील महत्त्वाच्या भूमिकेत आहेत.

चित्रपट प्रदर्शित झाल्यानंतर देखील टायगर आणि क्रिती चित्रपटाच्या प्रमोशनमध्ये बिजी आहेत. चित्रपटाचे प्रमोशन करण्यासाठी दोन्हीही कलाकार 'बिग बॉस १७'च्या सेटवर उपस्थित होते. तर सेटवर क्रिती आणि सलमानमध्ये दिमाग आणि दमवरून वाद सुरु झाला. टायगर श्रॉफला या दोघांच्या वादामध्ये मध्यस्थी करावी लागली.

कलर्स टीव्हीने त्यांच्या इंस्टाग्रामवर एक व्हिडीओ शेअर केला आहे. या व्हिडिओमध्ये क्रिती सेनन आणि टायगर श्रॉफ, सलमानला शोचा डेमो द्यायला सांगतात. त्यांनतर सलमान खान, क्रितीला चहा बनविण्याचा अभिनय करायला सांगतो.

क्रिती चहा बनविण्याचा अभिनय करत असते, तेव्ह सलमान खान तिला काहीतरी बोलतो. त्यावर क्रिती सलमानला म्हणते, 'दिसत नाही का चहा बनवत आहे ते.' त्यावर सलमान खान म्हणतो, 'हा काय ऍटिट्यूड आहे.'

क्रिती: माझं डोकं नको फिरवू.

सलमान: डोक्याविषयी (दिमाग) नको बोलू, माझ्याकडे नाहीये.

क्रिती: माझ्या भावना दुखावल्या जात आहेत.

सलमान: मला वाटते इथे माझी नोकरी धोक्यात आहे.

टायगर: तुम्ही तुमचे भांडण बंद करा, लहान मुलं आहेत का?

टायगरचं बोलणं ऐकल्यानंतर सलमान आणि क्रिती जोरजोरात हसू लागतात. (Latest Entertainment News)

'बिग बॉस १७' सुरू होऊन आता आठवडा होईल. 'बिग बॉस' हा वादग्रस्त शो आहे. यावेळी 'बिग बॉसच्या घरामध्ये दोन कपल आहेत. अंकिता लोखंडे-विकी जैन आणि नील भट-ऐश्वर्या शर्मा हे सेलिब्रिटी सहभागी झाले आहेत. तसेच प्रियांका चोप्राची बहीण मनारा चोप्रा देखील 'बिग बॉस'मध्ये सहभागी झाली आहे.