मुंबई : नॅशनल क्रश असलेला साउथचा सुप्रसिद्ध अभिनेता विजय देवरकोंडा(Vijay Devarakonda) सध्या त्याच्या 'लाइगर'(Liger) या आगामी सिनेमामुळे चर्चेत आहे. 'लाइगर' या सिनेमातून विजय देवरकोंडा बॉलिवूडमध्ये पदार्पण करणार आहे. 'लाइगर' या सिनेमात विजय देवरकोंडासोबत बॉलिवूड अभिनेत्री अनन्या पांडे(Ananya Pandy) मुख्य भूमिकेत दिसणार आहे. आज 'लाइगर' या सिनेमात जबरदस्त अॅक्शनमध्ये दिसणार्‍या विजयचे दुसरे गाणे 'वाट लगा देंगे' रिलीज झाले आहे. या गाण्यात विजय देवरकोंडा बॉक्सिंग रिंगमध्ये आपल्या हटके स्टाईलमध्ये दिसत आहे.

'लाइगर' सिनेमाची घोषणा झाल्यापासून या सिनेमाशी संबंधित अपडेट्स दररोज समोर येत आहेत. आज या सिनेमाचे आणखी एक गाणे रिलीज झाले आहे. 'वाट लगा देंगे' हे आज रिलीज झालेलं गाण स्वतः विजय देवराकोंडाने गायले आहे. त्याचबरोबर सुनील कश्यपने या गाण्याला संगीत दिले आहे. हे गाणे हिंदी आणि तेलुगू या दोन भाषांमध्ये रिलीज करण्यात आले आहे. गाण्यात विजय देवरकोंडा जबरदस्त स्टाइलमध्ये पाहायला मिळत आहे.

'लायगर' मधील 'वाट लगा देंगे' या गाण्यात विजय देवराकोंडाचा प्रवास दाखवण्यात आला आहे. १ मिनिट २६ सेकंदाच्या या व्हिडिओमध्ये विजयचा स्ट्रीट फायटरपासून ते राष्ट्रीय खेळाडू हा प्रवास दाखवण्यात आला आहे. प्रेक्षकांकडून या गाण्याला भरभरून प्रेम मिळत आहे. विजय या सिनेमाद्वारे बॉलिवूडमध्ये धमाकेदार एन्ट्री करणार आहे, तर अनन्या पांडे या सिनेमाद्वारे तेलुगू चित्रपटसृष्टीकडे वाटचाल करत आहे. या सिनेमातून विजय देवकोंडाचे अनेक लूक सोशल मीडियावर मोठ्या प्रमाणात व्हायरल होत आहेत.

'लायगर' हा सिनेमा हिंदीसह पाच भाषांमध्ये प्रदर्शित होणार आहे. अमेरिकन बॉक्सर माइक टायसनचीही या सिनेमात छोटी भूमिका आहे. सिनेमात विजय देवरकोंडा, अनन्या पांडे, माइक टायसनसोबत अभिनेत्री रम्या कृष्णन विजयच्या आईची भूमिका साकारताना दिसणार आहे. 'लायगर' हा सिनेमा २५ ऑगस्ट २०२२ रोजी सिनेमागृहात रिलीज होणार आहे.